Sindhudurg News : जिल्ह्यातील दोडामार्ग, कुडाळ आणि सावंतवाडीला पावसाने रविवारी (ता. २६)सायकांळी अक्षरक्षः झोडपून काढले. याशिवाय जिल्ह्याच्या अन्य भागांत देखील जोरदार पावसाच्या सरी कोसळल्या. .दरम्यान आज पहाटेपासूनच जिल्ह्याच्या सर्वच भागात पावसाच्या सरी सुरू आहे. सतत पडत असलेल्या पावसामुळे भातपिकाला कोंब फुटले आहेत. तर भातपीक कापणी करता येत नसल्याने शेतकरी हवालदिल झाला आहे..Unseasonal Rain : रायगडला अवकाळी पावसाचा तडाखा.मॉन्सून माघारीनंतर गेल्यानंतर जिल्ह्यात पाऊस थांबेल अशी अपेक्षा येथील शेतकऱ्यांना होती. परंतु पावसाने केवळ दोन चार दिवस उघडीप दिली. त्यानंतर पावसाच्या सरी पुन्हा सुरू झाल्या. जिल्ह्यात पाऊस थांबण्याची कोणतीही चिन्हे दिसून येत नाहीत. शनिवारी दिवसभर जिल्ह्याच्या अनेक भागात पावसाच्या सरी बरसत होत्या..त्यानंतर रविवारी सकाळी पावसाने उघडीप दिली परंतु दुपारनंतर सावंतवाडी, दोडामार्ग आणि कुडाळ, तालुक्यात मुसळधार पावसाला सुरुवात झाली. याशिवाय जिल्ह्याच्या इतर भागात देखील पावसाच्या सरी कोसळल्या. दरम्यान आज पहाटेपासूनच पावसाच्या सरी कोसळण्यास सुरुवात झाली आहे. .Unseasonal Rain : कसमादे परिसराला अवकाळीचा तडाखा.काही भागात जोरदार तर काही भागात हलक्या सरी सुरू आहेत. जिल्ह्यात सर्वत्र पावसाचे वातावरण आहे. सतत पडत असलेल्या पावसामुळे जिल्ह्यातील निम्म्यापेक्षा अधिक भातपिकाची कापणी रखडली आहे. आतापर्यंत २५ हजार हेक्टरवरील पिकांची कापणी पूर्ण झाली आहे. उर्वरित ३० हजार हेक्टरवरील पिकांची कापणी अजूनही शिल्लक आहे..२९ ऑक्टोबरपर्यंत ‘येलो अलर्ट’सिंधुदुर्ग जिल्ह्यात यावर्षी ८ मे पासून पावसाला सुरुवात झाली. २५ मे रोजी मॉन्सूनचे आगमन झाले. त्यानंतर १३ ऑक्टोबरला मॉन्सूनने माघार घेतली. परंतु जिल्ह्यात पाऊस थांबण्याची कोणतेच संकेत मिळत नसल्याचे चित्र आहे. हवामान विभागाने २९ ऑक्टोबरपर्यंत ‘येलो अलर्ट’ जाहीर केला आहे. या कालावधीत जिल्ह्यात प्रति ताशी ३० ते ४० किमी वेगाने वारे वाहणार असून पावसाचा जोर देखील कायम राहणार आहे.तालुकानिहाय पाऊस (मिलिमीटरमध्ये)दोडामार्ग ५५, मालवण २८, कुडाळ ४२, कणकवली ११, वैभववाडी ५, देवगड १२, सावंतवाडी ४१, वेंगुर्ला ३६..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
