Latur News: अहमदपूर, किनगाव, जळकोट, उदगीर, कासारसिरसी, हडोळती परिसरात बुधवारी (ता. १४) दुपारी जोरदार वादळी वाऱ्यासह अवकाळी पावसाने हजेरी लावली. या पावसामुळे शेतशिवारातील भाजीपाला, फळबागा, रब्बी हंगामातील गहू, ज्वारी, हरभरा आदी पिकांचे नुकसान झाले आहे. दरम्यान, मागील तीन दिवसांपासून ढगाळ वातावरण असल्याने शेतकऱ्यांची चिंता वाढली आहे. .जळकोट तालुक्यातील काही भागात सायंकाळी तीन ते चारच्या सुमारास वादळी वाऱ्यासह जोरदार पावसाने झोडपले. अनेकांनी सोयाबीनची गुळी उघडी करून ठेवली होती पावसामुळे ती भिजली असून, ज्वारी पिकाचे नुकसान झाले आहे. ज्वारीचे पीक आडवे झाल्याने निसर्गाने पुन्हा हातातोंडाशी आलेला घास हिरावला आहे. दरम्यान, खरीप हंगामातही अतिवृष्टीमुळे शेतकऱ्यांचे मोठे नुकसान झाले होते. रब्बीमध्ये ते भरून निघेल अशी शेतकऱ्यांना आशा होती. मात्र, बुधवारी झालेल्या पावसामुळे पिकांचे नुकसान झाले आहे..Unseasonal Rain: अवकाळी पावसाचा वसईच्या सुकेळीला फटका.अहमदपूर तालुक्यात सर्वदूर अवकाळी पावसाने हजेरी लावल्याने शेतीकामात अडचणी आल्या. अहमदपूर शहर, किनगाव, शिरूर ताजबंद, हडोळती, अंधोरी परिसरात दुपारी चार वाजता पावसाने अर्धा तास हजेरी लावली. तालुक्यातील काही शेत शिवारात राशीअभावी सोयाबीन व तुरीचे ढिगारे तर काही ठिकाणी रास करण्याचे काम चालू आहे. अचानक आलेल्या या पावसाने शेतकऱ्यांची धावपळ झाली. राशीच काम चालू असलेल्या शेतकऱ्यांचे नुकसान झाले आहे..Unseasonal Rain: गंगापूर तालुक्यात अवकाळी पावसाने दाणादाण.कबनसांगवी परिसरात हलक्या सरीकबनसांगवी (ता. चाकूर) परिसरात बुधवारी दुपारी साडेतीनच्या सुमारास हलक्या सरी पडल्या. बावलगाव, उजळंब, कुंभेवाडी, आंबेवाडी परिसरात पावसाची भुरभुर होती..कासारसिरसी परिसरात पावसामुळे तारांबळकासारसिरसी परिसरात बुधवारी दुपारी अवकाळी पावसाने हजेरी लावली. अचानक पडलेल्या पावसामुळे नागरिकांची तारांबळ उडाली होती. तसेच या पावसाचा काही पिकांना फायदा तर काही पिकांचे नुकसान होत असल्याचे शेतकऱ्यांतून बोलले जात आहे. या पावसाचा आंबा व विविध फळबागांना फटका बसणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
