Nashik News: ‘‘अन्नदाता, बळीराजा असे केवळ गोंडस शब्द वापरून शेतकऱ्यांच्या व्यथा सुटणार नाहीत. पडत्या भावात शेतीमाल विकून निराशपणे घरी जाणारा शेतकरी पाहिला की खंत वाटते. त्यामुळे शेतकऱ्यांना समृद्धीच्या प्रवाहात आणण्यासाठी समाजातील सर्व घटकांना एकजुटीने काम करावे लागेल,’’ असे प्रतिपादन राज्याचे कृषी आयुक्त सूरज मांढरे यांनी केले. .‘सकाळ अॅग्रोवन’ तर्फे सोमवारी (ता.१६) ‘अॅग्रिकल्चर आयकॉन्स ऑफ नाशिक’ या कॉफीटेबल बुकच्या प्रकाशन सोहळ्याचे आयोजन करण्यात आले होते. त्या वेळी ते प्रमुख पाहुणे म्हणून बोलत होते. यावेळी ‘सकाळ अॅग्रोवन’चे निवासी संपादक रमेश जाधव, ‘सकाळ’च्या उत्तर महाराष्ट्र आवृत्तीचे युनिट हेड संजय पाटील व्यासपीठावर उपस्थित होते..Agriculture Commissioner Promotion: कृषी आयुक्त सूरज मांढरे यांना सचिवपदी पदोन्नती.श्री. मांढरे म्हणाले, की इतर कोणत्याही उद्योगात उत्पादन वाढताच उद्योजकाचा नफादेखील वाढतो. पण, शेतीत उलटे होते. उत्पादन वाढल्यावर शेतकऱ्याचा नफा घटतो. एक हंगाम वाया गेला तरी शेतकरी आर्थिकदृष्ट्या पिछाडीवर जातो. शेतकऱ्याच्या रूपाने समाजाचा सर्वांत मोठा घटक प्रगतीच्या मार्गात पिछाडीवर राहिल्यास त्याचे सामाजिक दुष्परिणाम भोगावे लागतात. त्यामुळे शेतकऱ्यांसह समाजातील सर्व घटकांची प्रगती होण्यासाठी सामूहिक प्रयत्न करावे लागतील. त्यात कृषी उद्योजकांची भूमिका मोलाची असेल..श्री. जाधव प्रास्ताविकात म्हणाले, ‘‘वातावरणातील बदल, कृत्रिम बुद्धिमत्ता याबरोबरच जगाच्या भूराजकीय रचनेतील बदल यामुळे शेती क्षेत्रासाठी सध्याचा काळ कसोटीचा आहे. या पार्श्वभूमीवर अमेरिका, युरोपियन युनियनसोबत झालेले करार दीर्घकालीन परिणाम करणारे आहेत. देशाच्या आर्थिक विकासासाठी हे करार होणे आवश्यकच आहे; पण ते करताना शेती आणि शेतकऱ्यांचा बळी जाता कामा नये..Fake Agriculture Commissioner: तोतया कृषी आयुक्त आढळल्याने खळबळ.सरकारने शेतकऱ्यांना बळ देऊन धोरणात्मक तटबंदी भक्कम केली तरच शेतकरी जगाच्या स्पर्धेत टिकू शकतील. शेतीच्या मूल्यसाखळीत शेतकरी हा जसा प्रमुख घटक आहे, तसाच कृषी उद्योजकही एक महत्त्वाचा घटक आहे. सचोटीने व्यवसाय करणारे कृषी उद्योजक शेतकऱ्यांचे उत्पन्न वाढवण्यात भूमिका बजावतात. त्यामुळे निवडक उद्योजकांच्या कार्याची ओळख करून देणारे कॉफी टेबल बुक ‘अॅग्रोवन’कडून प्रकाशित करण्यात आले आहे.’’ ‘अॅग्रोवन’चे विभागीय व्यवस्थापक दत्तात्रय सहाने यांनी आभार मानले. सूत्रसंचालन सुहास सुरळीकर यांनी केले..‘अॅग्रोवन’ वाचून कामाला सुरुवात करतोकृषी आयुक्तांनी ‘अॅग्रोवन’च्या दोन दशकांतील वाटचालीचे तोंड भरून कौतुक केले. ‘‘अॅग्रोवन’ वाचून मी दिवसाची सुरुवात करतो. हे केवळ वृत्तपत्र नसून कृषी क्षेत्रातील ज्ञान, माहिती व प्रबोधनाचा स्त्रोत आहे. ‘अॅग्रोवन’ फक्त बातम्या देत नसून कृषी क्षेत्राला दिशा देत आहे,’’ असे श्री. मांढरे म्हणाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
