अमरावती : शेतकऱ्यांना शासकीय कृषी योजनांचा थेट आणि पारदर्शक लाभ मिळावा, या उद्देशाने केंद्र शासनाने युनिक फार्मर आयडी प्रणाली लागू केली आहे. मात्र अमरावती जिल्ह्यात या आयडीची नोंदणी अपेक्षित गतीने न झाल्याने तब्बल एक लाखांहून अधिक शेतकरी शासकीय योजनांच्या लाभापासून वंचित राहण्याची शक्यता निर्माण झाली आहे..सूत्रांनी दिलेल्या माहितीनुसार, जिल्ह्यात एकूण ५ लाख ९६ हजार ९५१ खातेदार शेतकरी असून, त्यापैकी आतापर्यंत ४ लाख ९६ हजार ३७७ शेतकऱ्यांचीच फार्मर आयडी नोंदणी पूर्ण झाली आहे. परिणामी जिल्ह्यातील नोंदणीचे प्रमाण ८७.०५ टक्के इतके असले तरी अद्याप सुमारे एक लाख शेतकरी या प्रक्रियेबाहेर आहेत. .Farmer ID: ‘फार्मर आयडी’अभावी साताऱ्यातील तीन हजार शेतकरी मदतीपासून वंचित.फार्मर आयडी म्हणजे प्रत्येक शेतकऱ्यास दिला जाणारा स्वतंत्र डिजिटल ओळख क्रमांक असून या आयडीमध्ये शेतकऱ्याची जमीनधारणा, पीक पद्धती, बँक खाते, पीकविमा तसेच शासकीय योजनांची माहिती समावेशित असते. .भविष्यात अनुदान, पीकविमा, नैसर्गिक आपत्ती मदत आणि इतर आर्थिक सहाय्य थेट व पारदर्शक पद्धतीने देण्यासाठी फार्मर आयडी महत्त्वाचा घटक ठरणार आहे. फार्मर आयडी उपलब्ध असल्यास शेतकऱ्यांना विविध योजनांसाठी वारंवार कागदपत्रे सादर करण्याची गरज भासणार नाही. पीकविमा, अनुदान, आपत्ती मदत तसेच थेट लाभ हस्तांतरण (डीबीटी) अधिक जलद आणि सोपे होणार आहे. त्यामुळे शासनाकडून फार्मर आयडी नोंदणीवर भर देण्यात येत आहे..Farmer ID: शेतकऱ्यांचा खतांचा वापर कमी करण्यासाठी केंद्र सरकारचे आदेश?.मात्र फार्मर आयडी नसल्यास शेतकऱ्यांना पीकविमा संरक्षण मिळण्यात अडचणी येऊ शकतात. नुकसान भरपाई, आपत्ती मदत, अनुदान तसेच विविध शासकीय योजनांचा लाभ मिळण्यात विलंब किंवा अडथळे निर्माण होण्याची शक्यता आहे. तसेच कृषी कर्ज व शासकीय सवलती मिळवतानाही अडचणी येऊ शकतात..नोंदणीचे आवाहन!कृषी विभाग व जिल्हा प्रशासनाकडून उर्वरित शेतकऱ्यांनी तातडीने फार्मर आयडी नोंदणी करून घ्यावी, असे आवाहन करण्यात येत आहे. अन्यथा आगामी काळात शासकीय योजनांचा लाभ मिळवताना अडचणींचा सामना करावा लागू शकतो, असा इशाराही त्यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
