Special Financial Assistance Scheme : विशेष अर्थसाह्य योजनेचे दोन हजार प्रस्ताव मंजूर

Dharashiv News : विशेष अर्थसाह्य योजनेसाठी दाखल झालेल्या प्रलंबित प्रस्तावांचा निपटारा तहसील प्रशासनाने केला. त्यानंर सोमवारी (ता.२६) अंतु बळी सांस्कृतिक सभागृहात आमदार ज्ञानराज चौगुले यांच्या हस्ते लाभार्थींना मंजुरीचे पत्र देण्यात आले.

भाजप जिल्हाध्यक्ष संताजी चालुक्य, मित्राचे मुख्य कार्यकारी अधिकारी प्रवीणसिंह परदेशी, उपजिल्हाधिकारी गणेश पवार, परिविक्षाधिकारी प्रियवंदा म्हादडळकर, गटविकास अधिकारी मरोड,

वैद्यकीय अधीक्षक डॉ. जाधव, तालुकाप्रमुख बळीराम सुरवसे उपस्थित होते. नायब तहसीलदार रतन काजळे यांनी लाभार्थींची माहिती दिली. तहसीलदार गोविंद येरमे यांनी प्रास्ताविक केले. मंडळ अधिकारी सुहास जेवळीकर यांनी सूत्रसंचालन, तर डॉ. अमित भारती यांनी आभार मानले.

जानेवारी २०२२ ते डिसेंबर २०२३ या दोन वर्षांत विविध योजनेसाठी दाखल झालेल्या दोन हजार ८४२ प्रस्तावांपैकी तहसीलदार येरमे यांनी एक हजार ९७५ प्रस्ताव मंजूर केले.