Agriculture Market: भंडारा जिल्हा उपनिबंधकांच्या उपस्थितीत झालेल्या कथित अपमानास्पद वागणुकीच्या निषेधार्थ गुरुवारी (ता. १४) तुमसर कृषी उत्पन्न बाजार समितीच्या मार्केट यार्डाच्या मुख्य प्रवेशद्वारावर हमाल-माथाडी कामगारांनी ठिय्या आंदोलन छेडले. आंदोलनामुळे बाजार समितीचे दैनंदिन कामकाज पूर्णपणे ठप्प झाले असून, शेतीमालाची आवक-विक्रीही प्रभावित झाली आहे..कामगारांच्या मागण्यांबाबत झालेल्या बैठकीदरम्यान जिल्हा उपनिबंधक शुद्धधन कांबळे यांच्या समोरच काही संचालकांनी कामगारांचा अपमान केल्याचा आरोप आहे. या घटनेनंतर संतप्त झालेल्या कामगारांनी गुरुवारी (ता. १४) सकाळपासून मुख्य प्रवेशद्वारावर ठिय्या देत घोषणाबाजी केली. ‘‘दोषींवर कठोर कारवाई झाल्याशिवाय कामावर परतणार नाही,’’ असा इशारा आंदोलनकर्त्यांनी दिला. .Farmer Protest: अनुदानासाठी कांदा, मका उत्पादकांचे ‘रस्ता रोको’.घटनेदरम्यान अधिकाऱ्यांनी मध्यस्थी करण्याऐवजी घटनास्थळ सोडल्याचा आरोपही हमाल माथाडी कामगार कृती समितीने केला. ‘‘जबाबदार अधिकाऱ्यांनी कामगारांना वाऱ्यावर सोडणे दुर्दैवी आहे,’’ अशी प्रतिक्रिया समितीचे समन्वयक वैभव चोपकर आणि सह-समन्वयक चंद्रशेखर सेलोकर यांनी दिली. संघर्ष समितीने जिल्हाधिकाऱ्यांना दिलेल्या निवेदनात विविध मागण्या मांडल्या आहेत..Yavatmal Long March: यवतमाळमध्ये ‘लाँग मार्च’ धडकला.शिवीगाळ करणाऱ्या संचालकांवर गुन्हे दाखल करून जाहीर माफी मागावी. तसेच कामगारांची अधिकृत नोंदणी करून ओळखपत्रे देणे, पाच लाख रुपयांचा सामुदायिक विमा उतरविणे आणि सेवानिवृत्त हमालांना ५० हजार रुपयांचे सानुग्रह अनुदान देण्यात यावे. कामाच्या ठिकाणी पिण्याचे पाणी, हमाल भवन, मास्क, हातमोजे आणि सीसीटीव्ही सुरक्षा पुरवावी. याशिवाय आंतरराष्ट्रीय कामगार संघटनेच्या निर्देशानुसार ५० किलो वजनाच्या पोत्यांचे बंधनकारक पालन करावे. तसेच माथाडी कायद्याची अंमलबजावणी करावी. हमीभावापेक्षा कमी दराने खरेदी करणाऱ्या व्यापाऱ्यांचे परवाने रद्द करण्याची मागणी या वेळी करण्यात आली..दरम्यान, आंदोलनामुळे मार्केट यार्ड परिसरात काही काळ तणावपूर्ण वातावरण निर्माण झाले होते. परिस्थिती नियंत्रणात ठेवण्यासाठी पोलिसांनी घटनास्थळी धाव घेत काही आंदोलकांना ताब्यात घेतले. नंतर परिस्थिती शांत झाल्यानंतर त्यांची सुटका करण्यात आली. ‘‘या गोंधळामुळे होणाऱ्या आर्थिक नुकसानीला बाजार समिती प्रशासन जबाबदार राहील,’’ असा इशारा वैभव चोपकर यांनी दिला..आम्हाला जाणीवपूर्वक अपमानित करण्यात आले आहे. आम्हाला केवळ आश्वासन नको, तर न्याय हवा आहे. जोपर्यंत दोषींवर कारवाई होत नाही, तोपर्यंत आमचे आंदोलन सुरूच राहील.- वैभव चोपकर, समन्वयक, हमाल माथाडी कामगार कृती समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
