Akola News: महाराष्ट्र राज्य बियाणे महामंडळाचा (महाबीज) कारभार सुरळीत होण्याच्या मार्गावर असतानाच शासनस्तरावरून पुन्हा एकदा व्यवस्थापकीय संचालकांच्या अचानक बदलीचे आदेश निघाल्याने नाराजी पसरली आहे. अवघ्या चार महिन्यांपूर्वी ‘महाबीज’च्या व्यवस्थापकीय संचालक म्हणून रुजू झालेल्या बुवनेश्वरी एस. यांची मुंबई येथे माहिती तंत्रज्ञान संचालक पदावर बदली करण्यात आली आहे. .‘महाबीज’ हे शासन अंगीकृत महामंडळ असून, त्याचे व्यवस्थापकीय संचालकपद आयएएस दर्जाच्या अधिकाऱ्यासाठी राखीव आहे. शासनाचा प्रतिनिधी म्हणून या पदावर अधिकाऱ्यांची नियुक्ती केली जाते..Mahabeej Director Election: ‘महाबीज’च्या संचालकपदांची निवडणूक प्रक्रिया सुरू.मात्र गेल्या काही वर्षांचा आढावा घेतला असता, या पदावर नेमले गेलेले अधिकारी काही महिन्यांपेक्षा अधिक काळ टिकत नसल्याचे चित्र सातत्याने दिसून येत आहे. परिणामी, महामंडळाला आवश्यक असलेले प्रशासकीय स्थैर्य मिळण्याऐवजी अस्थैर्यच वाढत असल्याची भावना भागधारक शेतकऱ्यांतून व्यक्त होत आहे..सप्टेंबर २०२५ मध्ये बुवनेश्वरी एस. यांनी वाशीम जिल्हाधिकारी पदावरून बदली होऊन अकोला येथील ‘महाबीज’च्या व्यवस्थापकीय संचालकपदाचा पदभार स्वीकारला होता. पदभार स्वीकारताच त्यांनी महामंडळाच्या कार्यपद्धतीचा सखोल अभ्यास सुरू केला..Chana Varieties: ‘महाबीज’ संशोधित हरभऱ्याच्या नव्या वाणांची अधिकृत नोंदणी.वाढती खासगी बियाणे कंपन्यांची स्पर्धा, बदलती बाजारपेठ आणि शेतकऱ्यांचा विश्वास टिकवून ठेवण्याचे आव्हान लक्षात घेऊन त्यांनी धोरणात्मक निर्णय घेण्यास सुरुवात केली होती. निर्णयप्रक्रियेला गती आली होती आणि अनेक सुधारणा प्रक्रियेत होत्या..प्रशासकीय भाग म्हणून त्या गेल्या महिन्यात मसुरी येथे प्रशिक्षणासाठी गेल्या होत्या. मात्र महाबीजमध्ये परतण्याआधीच शुक्रवारी (३० जानेवारी) त्यांची मुंबई येथे बदली करण्यात आल्याचे आदेश प्राप्त झाले..‘महाबीज’सारख्या महत्त्वाच्या महामंडळावर किमान दोन वर्षे तरी व्यवस्थापकीय संचालक असावा. तरच शेतकऱ्यांचे हे महामंडळ सुरळीत चालू शकते. शासनाने याबाबत गांभीर्याने विचार करणे अत्यंत आवश्यक झाले आहे.वल्लभराव देशमुख, माजी संचालक, महाबीज, अकोला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
