Yavtmal News : जिल्हा मध्यवर्ती सहकारी बँकेत (Yavatmal DCC Bank ) झालेली अनियमितता, गैरकारभार व भ्रष्टाचाराची (Corruption) तक्रार भाजपच्या जिल्हाध्यक्षांनी सहकारमंत्र्यांकडे केली आहे. सहकारमंत्र्यांनी सहकार आयुक्तांना (Cooperative Commissioner) चौकशी करून अहवाल सादर करण्याचे आदेश दिले आहेत.
चौकशीअंती बँकेतून कोणते घबाड बाहेर येते याकडे जिल्ह्यातील नागरिकांचे लक्ष लागले आहे.
जिल्हा बँकेतील कारभार व इतर काही मुद्द्यांबाबत भाजप जिल्हाध्यक्ष भुतडा यांनी सहकारमंत्री अतुल सावे यांच्याकडे सात पानांची तक्रार केली आहे.
त्यात जिल्हा बँक व विविध कार्यकारी सोसायटी यांच्यातील अनिष्ट तफावत ५०० कोटी रुपयांच्या सुमारास बँक अधिकारी तसेच कर्मचाऱ्यांमुळे झाली आहे.
बँकेचा एनपीए ३० टक्के झाला आहे. याशिवाय, बँकेच्या खर्चात मोठी वाढ झाल्याचा आरोप तक्रारीत आहे. बँक भरती प्रकरणात पारदर्शकता न ठेवता भरतीप्रक्रियेत प्रचंड गैरव्यवहार झाला आहे.
त्यामुळे बँकेने शासनाकडे भरती करण्यासंदर्भात परवानगी मागितली असून, ती देण्यात येऊ नये, अशी मागणी भुतडा यांनी केली आहे. बँकेच्या संचालक मंडळांत असलेल्यांपैकी अनेकांकडे कर्ज थकीत आहे. त्यामुळे नियमाप्रमाणे त्यांना संचालकपदावर राहण्याचा अधिकार नाही.
याशिवाय कर्मचाऱ्यांच्या मुलांनी शेतकऱ्यांकडून घेतलेले पीकविमा रक्कमेचे पैसे, वणी विभागात नियमबाह्य पद्धतीने केले जाणारे नूतनीकरण, हिवरा शाखेतील चिलगव्हाण सोसायटीमध्ये सभासद नसलेल्यांना देण्यात आलेले ९४ लाख रुपयांचे कर्ज, त्यांची चौकशीसाठी लागलेला कालावधी, वसंत सहकारी साखर कारखान्याला देण्यात आलेले कर्ज, बँकेची कॅश ने आण करण्यासाठी लावण्यात आलेली वाहने आदी अनेक मुद्दे तक्रारीत नमूद आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.