Nashik Onion Rate News : यंदा लेट खरीप कांद्याची फेब्रुवारीच्या सुरुवातीपासून बाजारात मोठी आवक (Onion Arrival) होत आहे. एकीकडे आवक वाढ, घटलेली मागणी व कमी झालेला पुरवठा या प्रमुख कारणाने मोठ्या प्रमाणावर दरात घसरण झाल्याची स्थिती आहे.
परिणामी, सध्या कांदा उत्पादकांचे (Onion) अर्थकारण कोलमडले आहे. प्रतिक्विंटल ६५० ते ७०० रुपये दर (onion Rate) मिळत आहेत. त्यामुळे अनेकांचा उत्पादन खर्चही वसूल होत नसल्याची स्थिती आहे.
राज्यभरात लेट खरीप कांद्याची सर्वाधिक आवक नाशिक विभागातून होत आहे. त्या खालोखाल सोलापूर बाजार समितीमध्ये आवक होत आहे. मात्र फेब्रुवारीत दरात मोठी घसरण झाली आहे. सरासरी ४०० रुपयांचा फटका प्रतिक्विंटलमागे सोसावा लागत आहे.
लासलगाव बाजार समितीत सध्या ५०० रुपयांनी तर पिंपळगाव बसवंत येथे ४०० रुपयांची घसरण आहे. काही बाजार समित्यांमध्ये आवकेनुसर दरात किरकोळ सुधारणा होते. मात्र ती असून नसल्यासारखी आहे.
यंदा उत्पादनखर्च वाढ व मजूरटंचाई अशी दोन प्रमुख आव्हाने होती. त्यातच पीक संरक्षण खर्चाची भर पडली. त्यामुळे कांदा काढणीपश्‍चात दर साधतील, अशी अपेक्षा असताना दरात झालेली मोठी घसरण अडचणींची ठरत आहे. नफा तर दूरच मात्र उत्पादन खर्च वसूल करणे दुरापास्त झाले आहे.
प्रमुख बाजार समित्यांमधील स्थिती
बाजार समिती...आवक...किमान...कमाल...सरासरी (बुधवारपर्यंत, ता.१५)
लासलगाव...३११५६...४००...११४०...७००
विंचूर उपबाजार (लासलगाव)...२२,०८५...४००...१,१५२...७००
पिंपळगाव बसवंत...२८,२८२...३००...१,२२९...७००
येवला...२५,२६९...२००...९१२...६००
येवला (आंदरसूल)...१४,९३४...२००...७३९...६५०
मालेगाव (मुंगसे)...१३,०००...४००...१,१००...८००
सिन्नर...१४,९००...२००...१,०००...७००
चांदवड...१६,१८६ ...३००...१,०७२...६५०
मनमाड...१६,१३६...३००...९६०...७५०
देवळा...७,६१० ...१४०...९४०...७५०
उमराणे...१५,५००...५१०...१,१००...८५०
नामपूर...११,०९३...१००...९७५...७५०
सटाणा...९,१५०...१७५...१०००...७००
निर्यात, देशांतर्गत मागणी घटली
लाल कांद्याच्या सोबतीने नगर, पुणे भागात चाकण येथून किरकोळ उन्हाळ कांदा निघू लागला आहे. त्यामुळे लेट खरीप कांद्याचे दर कमी आहेत. त्यामुळे देशांतर्गत मागणी वाढून दरवाढीची आशा होती. मात्र मागणी व पुरवठा मोठ्या प्रमाणावर अस्थिर आहे.
बांगलादेशमध्ये पश्चिम बंगालमधील सुखसागर भागांतील काही माल जात आहे. अफगाणिस्तान, इराण भागात निर्यात कमी होत आहे. प्रमुख आयातदार देशात स्थानिक माल काढणी होत आहे. देशात गुजरातमधील भावनगर पट्ट्यात आवक अधिक आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.