Latur News: गेल्या काही दिवसांपासून सर्वच राजकीय पक्षांच्या कार्यकर्त्यांचे लक्ष लागलेल्या जिल्हा परिषदेच्या निवडणुकीचा बिगुल अखेर मंगळवारी (ता. १३) वाजला. लातूर जिल्हा परिषदेच्या ५९ गट आणि दहा पंचायत समितीच्या ११८ गणासाठी आता निवडणूक होणार असून, निवडणुकीसाठी कालावधी अत्यंत कमी असल्याने राजकीय पक्ष, इच्छुकांची चांगलीच धावपळ होणार आहे. .जिल्हा परिषदेच्या ५९ गटांसाठी दोन महिन्यांपूर्वी आरक्षण निघाले होते. त्यामुळे निवडणूक लवकर जाहीर होईल, असे सर्वांनाच वाटत होते. आरक्षण जाहीर झाल्याने राजकीय गणिते घालण्यास सुरवात झाली होती. आरक्षणानंतर काहींचा भ्रमनिरास झाला तर काहींच्या चेहऱ्यावर मात्र हास्य फुलले होते.जिल्हा परिषदेच्या निवडणुकीसाठी कार्यकर्ते कामालाही लागले होते. पक्षश्रेष्ठींकडे आपल्यालाच कशी उमेदवारी मिळेल, याकरिता फिल्डिंगही लावण्याची तयारी सुरू केली होती..Zilla Parishad Election: मिनी मंत्रालयासाठी बिगुल.पण नंतर राज्यातील काही जिल्हा परिषदांच्या आरक्षणाचा विषय सर्वोच्च न्यायालयात गेला. पहिल्यांदा सर्वोच्च न्यायालयाने ३१ जानेवारीपर्यंत निवडणुका घ्याव्यात, असे आदेश दिले होते. पण आरक्षणाचा घोळ मात्र कायम होता. यात ही निवडणूक लांबणीवर पडली होती. पण राजकीय पक्ष मात्र गेल्या काही दिवसांपासून तयारीला लागले होते. इच्छुकांचे अर्जदेखील मागविण्याची प्रक्रिया सुरू केली होती. त्यात सर्वोच्च न्यायालयाने १५ फेब्रुवारीपर्यंत निवडणुका घ्याव्यात, असे आदेश दिल्यानंतर राज्य निवडणूक आयोगाने आरक्षणाचा घोळ नसलेल्या बारा जिल्हा परिषदांचा निवडणूक कार्यक्रम जाहीर केला. त्यात लातूर जिल्हा परिषदेचा समावेश आहे. त्यामुळे आता ५९ गटांसाठी व दहा पंचायत समितींच्या ११८ गणांसाठी ही निवडणूक होणार आहे..५९ गटांचे प्रवर्गनिहाय आरक्षणसर्वसाधारण ः हाडोळती, अंधोरी (ता. अहमदपूर), वांजरवाडा (ता. जळकोट), तोगरी (ता. उदगीर), जवळगा (ता. देवणी), नळेगाव (ता. चाकूर), एकुर्गा (ता. लातूर), खरोसा, उजनी, किल्लारी (ता. औसा), निटूर, अंबूलगा बु, दापका, हलगरा, कासारसिरसी (ता. निलंगा).सर्वसाधारण महिला ः माळहिप्परगा (ता. जळकोट), वलांडी (ता. देवणी), खरोळा, कामखेडा, पोहरेगाव (ता. रेणापूर), आर्वी, हरंगूळ बु., काटगाव ( ता. लातूर), लोदगा, आशिव, मातोळा (ता. औसा), लांबोटा, औराद शहाजनी, मदनसुरी, सरवडी (ता. निलंगा)..Chandrapur Zilla Parishad: चंद्रपूर जिल्हा परिषदेतील बारा कर्मचारी बडतर्फ.अनुसूचित जाती ः शिरुर ताजबंद (ता. अहमदपूर), निडेबन, लोहारा, हेर (ता. उदगीर), साकोळ (ता. शिरूर अनंतपाळ), महाराणा प्रतापनगर (ता. लातूर).अनुसूचित जाती महिला ः गुत्ती (ता. जळकोट), सोमनाथपूर, नळगीर (ता. उदगीर), येरोळ (ता. शिरूर अनंतपाळ), रोहिणा (ता. चाकूर), निवळी (ता. लातूर)..अनुसूचित जमाती ः सावरगाव रोकडा (ता. अहमदपूर).अनुसूचित जमाती महिला ः तांबाळा (ता. निलंगा).नागरिकांचा मागास प्रवर्ग ः वाढवणा (ता. उदगीर), बोरोळ (ता. देवणी), जानवळ, वडवळ (ता. चाकूर), पानगाव (ता. रेणापूर), भातांगळी, तांदुळजा (ता. लातूर ).नागरिकांचा मागास प्रवर्ग (महिला) ः खंडाळी, किनगाव (ता. अहमदपूर), चापोली (ता. चाकूर), पाखरसांगवी, मुरुड (ता. लातूर) लामजना, आलमला, भादा (ता. औसा)..२०१७ मधील पक्षनिहाय संख्याबळ३६ भारतीय जनता पक्ष१५ काँग्रेस६ राष्ट्रवादी काँग्रेस१ अपक्ष५८ एकूण.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
