Yavatmal News: यवतमाळ जिल्हा मध्यवर्ती सहकारी बँकेच्या निवडणुकीच्या पार्श्वभूमीवर तब्बल ११ संचालकांवर निवडणूक लढविण्यास बंदी येण्याची शक्यता निर्माण झाली आहे. आरबीआयच्या मार्गदर्शक सूचनांनुसार सलग दहा वर्षे संचालक राहिलेल्या व्यक्तींना पुन्हा निवडणूक लढविता येत नाही. या निर्णयामुळे बँकेतील सत्तासंघर्ष अधिक तीव्र झाला असून, संपूर्ण प्रकरण सध्या न्यायप्रविष्ट आहे..जिल्हा मध्यवर्ती बँकेच्या २१ संचालकांपैकी ११ संचालक सलग दहा वर्षांहून अधिक काळ पदावर असल्याचे निदर्शनास आले आहे. त्यामुळे या संचालकांची निवडणूक पात्रता रद्द करण्याची मागणी करण्यात आली. यासंदर्भात काही मतदारांनी उच्च न्यायालयाच्या नागपूर खंडपीठात याचिका दाखल केली असून, न्यायालयाने २२ जानेवारी रोजी सुनावणी निश्चित केली आहे..Yavatmal DCC Bank : यवतमाळ जिल्हा बँकेतील अनियमिततेची होणार चौकशी.दरम्यान, बँक निवडणूक प्राधिकरणाकडून मतदार यादीची तयारी अंतिम टप्प्यात असून, प्राथमिक मतदार यादी प्रसिद्ध करण्यात आली आहे. काही संचालकांनी मतदार यादी व निवडणूक प्रक्रियेवर आक्षेप नोंदविले असून, यामुळे निवडणूक कार्यक्रमावर परिणाम होण्याची शक्यता व्यक्त केली जात आहे. याचिकाकर्त्यांच्या म्हणण्यानुसार, आरबीआयच्या स्पष्ट.Satara DCC Bank : सातारा जिल्हा बँकेचा तब्बल १२५ कोटींचा निव्वळ नफा, एनपीए शून्यावर!.निर्देशांनुसार दहा वर्षांपेक्षा अधिक काळ संचालक राहिलेल्या व्यक्तींना पुन्हा संधी देणे नियमबाह्य आहे. तर संबंधित संचालकांनी हा निर्णय राजकीय हेतूने प्रेरित असल्याचा दावा केला आहे..२२ जानेवारीच्या सुनावणीकडे जिल्ह्यातील सहकार क्षेत्राचे लक्ष लागले असून, न्यायालयाचा निर्णय बँकेच्या निवडणुकीची दिशा ठरविणारा ठरणार आहे. सहकार क्षेत्रातील अनेक दिग्गजांचे भवितव्य या निर्णयावर अवलंबून असल्याने वातावरण तापले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
