Pune News: खेड तालुक्यातील घनवटवाडी येथील शेतकरी दत्तात्रेय वसंत घनवट व रंजना दत्तात्रेय घनवट यांच्यासह बाळासाहेब घनवट, तुषार विठ्ठल तळेकर यांनी पारंपरिक शेतीला फाटा देत स्ट्रॉबेरीची लागवड केली. चांगले उत्पन्न मिळत असल्याने सध्या लालचुटूक स्ट्रॉबेरी पिकाची गोडी लागली आहे. दत्तात्रेय घनवट यांनी केवळ वीस गुंठ्यांत पीक घेतले आहे. पुढील दोन महिन्यांचे उत्पन्न व बाजारभाव पाहता तीन लाख रुपयांचे उत्पन्न त्यांना मिळण्याचा विश्वास आहे..खेड तालुक्याच्या पश्चिम पट्यात अपेक्षित बाजारभाव मिळत नसल्याने शेतकरी कर्जाच्या खाईत लोटला जातो आहे. जी स्थिती कांदा व बटाटा पिकाची तीच स्थिती धना, मेथी, कोबी, फ्लावर पिकाची. त्यामुळे चास जवळील घनवटवाडी येथील शेतकऱ्यांनी सप्टेंबर महिन्यात स्ट्रॉबेरीची लागवड करण्याचा निर्णय घेतला..Strawberry Farming: स्ट्रॉबेरी उत्पादनासह थेट विक्री मॉडेल.जमिनीची मशागत करून शेणखत टाकून बेड तयार केले. त्यावर ठिबक सिंचनाची व्यवस्था केली, मल्चिंग पेपरच्या साह्याने बेडवर आच्छादन केल्यावर महाबळेश्र्वर वाई येथून विंटर व पार्थिनो या वाणाच्या रोपांची लागवड केली. दरम्यान, वीस दिवसांतच रोपांना फुले आली. लागवडीनंतर महिनाभराने फळधारणा झाली व येथून पुढे स्ट्रॉबेरी उत्पन्न सुरू झाले..Strawberry Market: स्ट्रॉबेरीच्या मागणीत वाढ.पोषक वातावरणामुळे ४५ दिवसांनी उत्पादन हाती आले. सर्वात पहिल्या तोड्याला चार ते पाच किलो फळे मिळाली. मात्र ती वाढत जाऊन आज याच वीस गुंठे क्षेत्रातून दिवसाआड नव्वद ते शंभर किलो स्ट्रॉबेरीच्या फळांचे उत्पादन मिळत आहे. फळे माॅलला विकल्यावर सरासरी ३०० ते ४५० रुपये प्रति किलोला बाजारभाव मिळाला. मात्र सद्यःस्थितीत स्ट्रॉबेरीची बाजारात आवक वाढल्याने २५० ते ३०० रुपयांपर्यंत बाजारभाव मिळतो आहे., दत्तात्रेय घनवट यांनी सांगितले..अजून दोन महिने स्ट्रॉबेरीपासून चांगले उत्पन्न मिळणार आहे. खर्च वजा जाता आम्हाला तीन लाख रुपयांपर्यंत उत्पन्न मिळणार आहे. याशिवाय या स्ट्रॅाबेरी पिकात आंतरपीक म्हणून आम्ही लसूण लावला आहे. त्यापासून मिळणारे उत्पन्न आमचा अधिकचा नफा असणार आहे.रंजना घनवट, स्ट्रॉबेरी उत्पादक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
