Shaktipeeth Highway : शेतकऱ्यांना उद्ध्वस्त करणारा शक्तिपीठ महामार्ग रद्द करावा

Parbhani News : नागपूर ते गोवा शक्तिपीठ महामार्गासाठी मराठवाड्यातील काळी कसदार, सुपीक, बागायती जमीन संपादित करून शेतकऱ्यांना संपविण्याचा घाट घातला आहे.

हा महामार्ग शेती व शेतकऱ्यांना उद्ध्वस्त करणारा असल्यामुळे हा प्रकल्प रद्द करावा, अशी मागणी पोखर्णी नृसिंह (ता.परभणी) येथे रविवारी (ता.२) पार पडलेल्या बैठकीत एकमताने करण्यात आली.

परभणी जिल्ह्यातील ३ तालुक्यांतील ३१ गावांच्या शिवारातून प्रस्तावित या महामार्गाची लांबी ७१ किलोमीटर आहे.

या जिल्ह्यातील सुमारे ७३३ हेक्टर जमीन या महामार्गासाठी संपादित केली जाणार आहे. भूसंपादन केल्यानंतर शेतकरी उद्धवस्त होणार आहेत. पर्यायी रस्ते असताना या महामार्गाची गरज नसल्यामुळे तो रद्द करावा,

अशी मागणी गोविंद घाटोळ, माणिकराव गरुड, अॅड. गजेंद्र येळकर, विजय बेले, दत्ता वाघ आदींसह उपस्थित बाधित शेतकऱ्यांनी केली.