Yavatmal News: घरकुल लाभार्थ्यांच्या खात्यात घरकुल बांधकामाचा पहिला हप्ता १५ हजार रुपये चार महिन्यांपूर्वी जमा झाला. परंतु त्यापुढील हप्ते मात्र अद्यापही मिळाले नाही. पुढील हप्ते कधी मिळणार यासाठी घरकुल लाभार्थी ग्रामपंचायत, पंचायत समितीचे उंबरठे झिजवतांना दिसत आहे. त्यामुळे साहेब, १५ हजार रुपयांत घरकुल कसे बांधायचे, असा प्रश्न लाभार्थ्यांतून विचारला जात आहे..मुळावा परिसरातील बहुतांश ग्रामपंचायतीमधील घरकुल लाभार्थ्यांचे पुढील हप्ते थकल्याने घरकुल बांधकाम रखडलेले आहे. मागील चार वर्षांपेक्षा अधिक काळापासून तालुक्यात एकही वाळू घाटाचा लिलाव झाला नाही. .Vastu Shastra House Design : वास्तुशास्त्रानुसार घराची परिपुर्ण रचना कशी असावी?.मध्यंतरी महसूल प्रशासनाकडून घरकुल लाभार्थींसाठी वाळू डेपो ही संकल्पना अमलात आणली गेली. परंतु तीही तात्पुरत्या काळासाठी ठरली. दुसरीकडे बांधकामासाठी लागणारे लोखंड, वाळू, विटा, सिमेंट, मजुरीचे दर वाढत आहे. .Auspicious House Plants : घरात कोणते झाड लावणे शुभ मानले जाते?.अनेक घरकुल लाभार्थींनी घरकुल बांधकामासाठी कर्ज घेतले, ६० टक्केपेक्षा अधिक लाभार्थी हे भाड्याच्या घरात आहेत. आपल्या घरांच्या बांधकामासाठी बरेच नागरिक शहरातील हातचे काम सोडून गावी आले. परंतु याकडे संबंधित विभागाचे लक्ष नाही. .कागदपत्र, नियम, अटीमध्ये अडकून बसलेल्या घरकुल लाभार्थी आर्थिक आणि दरवाढीच्या चक्रात अडकला आहे. परिणामी मुळावासह परिसरातील १५ पेक्षा अधिक ग्रामपंचायतीतील घरकुल लाभार्थींचा सहानुभूतिपूर्वक विचार करून त्यांना उर्वरित हप्ते त्वरित देण्याची मागणी जोर धरू लागली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
