Lok Sabha Elections 2024 : 'आनंदाच्या शिधे'ला आचारसंहितेचा ब्रेक

Pune News : गुढीपाडवा आणि डॉ. बाबासाहेब आंबेडकर जयंती निमित्त लोकांना गोडधोड देण्याची योजना राज्यातील शिंदे सरकारने आखली होती. तसेच ११ मार्चला याबाबत मुख्यमंत्री एकनाथ शिंदे यांच्या अध्यक्षतेखाली झालेल्या मंत्रिमंडळ बैठकीत निर्णय झाला होता. मात्र आता आचारसंहिता लागू झाल्याने रेशन कार्ड धारकांना आनंदाचा शिधा मिळणार नाही. तर दोन महिने आनंदाचा शिधा वाटप न करण्याचा निर्णय सरकारने घेतला आहे.

शिंदे सरकारने राज्यातील दुर्बल घटक आणि सामान्य नागरिकांना सण, उत्सवाच्या काळात लागणारे अत्यावश्यक साहित्य नाममात्र दरात वाटप करण्याचा निर्णय घेतला होता. याप्रमाणे राज्यातील सुमारे १ कोटी ६९ लाख शिधा पत्रिकाधारकांना आनंदाच्या शिध्याचा लाभ मिळत आहे. तर गुढीपाडवा आणि डॉ. बाबासाहेब आंबेडकर जयंती निमित्त आनंदाचा शिधा देण्यात येणार होता. मात्र आता लोकसभा निवडणुकीची आचारसंहिता लागू झाल्याने पुढील दोन महिने आनंदाचा शिधा वाटप बंद राहणार आहे.

आनंदाचा शिधा पॅकिट 

राज्यात शिंदे सरकार सत्तेवर आल्यापासून सण, उत्सवाच्या काळात आनंदाचा शिधा रेशन कार्डवर दिला जात असे. साखर, रवा, मैदा, तेल, चणाडाळ असणारे पॅकिट फक्त १०० रूपयात देण्यात येते. 

आनंदाचा शिधा ७ जूनपर्यंत वाटप नाही

लोकसभा निवडणूक अचारसंहितेच्या पार्श्वभूमीवर राज्य सरकारने आनंदाचा शिधा वाटप थांबवण्याचा निर्णय घेतला आहे. यामुळे होळी, गुढीपाडव्यासह डॉ. बाबासाहेब आंबेडकर जयंती निमित्त मिळणारा आनंदाचा शिधा मिळणार नाही. तर आनंदाचा शिधा ७ जूनपर्यंत वाटप न करण्याचा निर्णय सरकारने घेतला आहे.