Cotton Farming Technology : शेतीकडे व्यवसाय म्हणून पाहण्याची गरज असून धाग्याच्या गुणवत्तेनुसार कापसाला योग्य दर मिळण्यासाठी शेतकऱ्यांनी सुधारित तंत्रज्ञान अवलंबवावे. तसेच ‘एक गाव - एक वाण - एक तंत्रज्ञान’ ही संकल्पना स्वीकारल्यास शेतकऱ्यांचा आर्थिक लाभ होईल, असे मत डिघोळअंबा (अंबाजोगाई) कृषी विज्ञान केंद्राचे कृषीविद्या तज्ज्ञ कृष्णा कर्डीले यांनी व्यक्त केले..केज तालुक्यातील मौजे केकतसारणी येथे शनिवारी (ता. ३) कृषी विज्ञान केंद्र, डिघोळअंबा (अंबाजोगाई) यांच्या वतीने कापूस शेती दिन तसेच क्रांतीज्योती सावित्रीबाई फुले जयंती मोठ्या उत्साहात साजरी करण्यात आली. त्या वेळी श्री. कर्डिले बोलत होते..Agriculture Business : शेतीपूरक व्यवसायातून उत्पन्नाची जोखीम कमी होईल.भारतीय कृषी संशोधन परिषदअंतर्गत केंद्रीय कापूस संशोधन संस्था, नागपूर यांच्या मार्गदर्शनाखाली बीड जिल्ह्यात राबविण्यात येत असलेल्या विशेष कापूस प्रकल्पाअंतर्गत या कार्यक्रमाचे आयोजन करण्यात आले होते. अध्यक्षस्थानी केकतसारणी गावच्या सरपंच अनिता पंडित सावंत होत्या. या वेळी कृषी विज्ञान केंद्र, अंबाजोगाई येथील शास्त्रज्ञ नरेंद्र जोशी (उद्यानविद्या), सुहास पंके (कृषी विस्तार) यांच्यासह बळीराम वीर, प्रगतिशील शेतकरी, महिला शेतकरी व ग्रामस्थ मोठ्या संख्येने उपस्थित होते..कार्यक्रमात सघन लागवड पद्धतीने कापूस लागवडीबाबत मार्गदर्शन करताना शास्त्रज्ञ कर्डीले यांनी कापूस पिकातील गळ फांदी छाटणीचे महत्त्व, सघन लागवड पद्धतीचे फायदे, योग्य मशागत, सुधारित तंत्रज्ञानाचा अवलंब केल्यास उत्पादनात होणारी वाढ याविषयी सविस्तर माहिती दिली..Agriculture Business : कृषी व्यवसायाचे यश विपणनावरच अवलंबून.श्री. पंके यांनी केंद्र सरकारच्या ‘जी राम जी’ कायद्यासह विविध शासकीय योजनांची माहिती दिली. याचबरोबर सावित्रीबाई फुले यांनी स्त्री शिक्षणासाठी केलेले कार्य अधोरेखित करत, महिलांनी शिक्षण, शेती व उद्योजकतेत पुढे येण्याचे आवाहन केले..श्री. जोशी यांनी फळबाग व्यवस्थापन, आले पिकातील मर रोग व त्यावरील उपाययोजना, अन्नद्रव्य व खत व्यवस्थापन यावर मार्गदर्शन केले. श्री. वीर यांनी कापूस पिकासाठी प्लांटरद्वारे पेरणी, यंत्राद्वारे वेचणी, योग्य वाणांची निवड तसेच कोरडवाहू भागात प्लांटरद्वारे लागवडीचे महत्त्व विषद केले. कार्यक्रमात शेतकरी व महिला शेतकऱ्यांनी सघन लागवड पद्धतीने मिळालेल्या उत्पादनवाढीचे अनुभव सांगितले..श्री. पंके यांनी सूत्रसंचालन केले. अध्यक्षीय समारोप अनिता सावंत यांनी केला. कार्यक्रमासाठी रवींद्र अंबाड, ऋषिकेश काळे, सागर काळे तसेच ग्रामस्थांचे सहकार्य लाभले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
