Chhatrapati Sambhajinagar News: छत्रपती संभाजीनगर जिल्हा परिषद आणि पंचायत समिती निवडणुकीच्या पार्श्वभूमीवर जिल्ह्यातील राजकीय हालचालींना वेग आला. शिवसेना, काँग्रेस आणि वंचित बहुजन आघाडी या प्रमुख पक्षांनी एकाच दिवशी कार्यकर्ते, पदाधिकारी आणि इच्छुक उमेदवारांच्या बैठका घेतल्याने जिल्ह्याचे राजकीय वातावरण चांगलेच तापले. उमेदवारी अर्ज भरण्यापूर्वीच पक्षांतर्गत चाचपणी, मुलाखती आणि शक्तिप्रदर्शन सुरू झाल्याने निवडणुकीची रंगीत तालीम १७ आणि १८ जानेवारीला पाहायला मिळाली..शिवसेनेकडून विविध तालुक्यांत गट व गणनिहाय बैठका घेत कार्यकर्त्यांची मते जाणून घेण्यात आली. इच्छुक उमेदवारांच्या थेट मुलाखती घेत स्थानिक प्रभाव, संघटनात्मक ताकद आणि निवडणूक जिंकण्याची क्षमता याचा आढावा घेण्यात आला. ‘पक्षाला जिंकून देणारा उमेदवार’ या निकषावर चर्चा होत असल्याचे चित्र होते. काही ठिकाणी एकाच जागेसाठी अनेक इच्छुक पुढे आल्याने अंतर्गत स्पर्धा तीव्र असल्याचेही स्पष्ट झाले..Local Body Elections: युती-आघाडीवर अजूनही सस्पेन्स.काँग्रेस पक्षानेही शनिवारी जिल्हा परिषद गट आणि पंचायत समिती गणांवर लक्ष केंद्रित करत इच्छुक उमेदवारांच्या मुलाखती घेतल्या. वंचित बहुजन आघाडीने देखील संघटन मजबूत करण्यावर भर देत इच्छुक उमेदवार आणि कार्यकर्त्यांच्या बैठका घेतल्या. ग्रामीण भागातील प्रश्न, पाणी, रोजगार आणि सामाजिक न्याय या मुद्द्यांवर आधारित लढत उभारण्याची रणनीती बैठकीत मांडण्यात आली..Local Body Elections: छत्रपती संभाजीनगरमध्ये ‘झेडपी’, पंचायत समिती निवडणूक जाहीर.आमदारांची कसोटीजिल्ह्यातील पैठण, कन्नड, सिल्लोड, वैजापूर आणि छत्रपती संभाजीनगर (पश्चिम) या मतदारसंघांत शिवसेनेचे आमदार आहेत. आपल्याच मतदारसंघातील कार्यकर्त्यास अध्यक्षपद मिळावे यासाठी शिवसेनेचे संदीपान भुमरे, पालकमंत्री संजय शिरसाट, अब्दुल सत्तार, विलासबापू भूमरे, रमेश बोरनारे, संजना जाधव यांनी तयारी सुरू केली आहे. तर, भाजपचे आमदार प्रशांत बंब यांनी गंगापूर, अनुराधा चव्हाण यांनी फुलंब्रीतून जिल्हा परिषद निवडणुकीच्या अनुषंगाने मोर्चे बांधणी सुरू केली आहे..अध्यक्षपदाचे आरक्षण अन् सत्तेची चढाओढछत्रपती संभाजीनगर जिल्हा परिषदेचे ६३ गट व १२६ गण आहेत. यंदा जिल्हा परिषद अध्यक्षपदाचे आरक्षण ‘सर्वसाधारण’ प्रवर्गासाठी खुले झाल्याने राजकीय हालचालींना प्रचंड वेग आला आहे. भाजप, काँग्रेस, शिवसेना आणि राष्ट्रवादी काँग्रेस या सर्वच पक्षांकडून अध्यक्षपदावर दावा सांगितला जात आहे. जिल्हा परिषद अध्यक्षपद म्हणजे केवळ पद नाही, तर सुमारे हजारो कोटींच्या विकास निधीवर प्रभाव टाकण्याची संधी असल्याने ही चढाओढ अधिक तीव्र झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
