तामिळनाडूच्या थुथुकुडी जिल्ह्याच्या काही भागात पूरस्थिती शेतपिके पाण्याखाली गेल्याने शेतकऱ्यांचे नुकसान होडीच्या मदतीने केळी पीक काढणी.Tamil Nadu Floods: संततधार पावसामुळे तामिळनाडूमधील थुथुकुडी जिल्ह्याच्या काही भागात पूरस्थिती निर्माण झाली आहे. येथील मैग्नानापूरम जवळील सेम्मरीकुलम गावातील शेती पाण्याखाली गेली आहे. यामुळे येथील केळी उत्पादक शेतकऱ्यांना होडीच्या मदतीने पीक काढणी करावी लागत आहे. पावसामुळे सखल भागात सुमारे चार फूट पाणी साचले आहे. येथील पाणी पातळी वाढण्याची शक्यता व्यक्त करण्यात आली आहे..सेम्मरीकूलम गाव हे तिरुचेंदूर तालुक्यातील सखल भागात वसले आहे. येथील शेतकरी प्रामुख्याने भात आणि पपई पीक घेतात. महसूल अधिकाऱ्यांच्या मते, हा प्रदेश पाण्याचे पाणलोट क्षेत्र म्हणून ओळखला जातो..Banana Farmers: खर्चही निघत नसल्याने केळीच्या बागांवर फिरवला रोटावेटर.या भागात गेल्या पंधरा दिवसांपासून मुसळधार पाऊस सुरु आहे. यामुळे शेतजमिनी, पिके पाण्याखाली गेली आहेत. येथील शेतकरी जानेवारी महिन्यात केळी लागवड करतात आणि ऑक्टोबर-नोव्हेंबर दरम्यान पीक काढणी करतात. विशेषतः उशिरा लागवड केलेल्या पिकांचे नुकसान झाले असल्याचे येथील शेतकरी सांगतात..Banana Price Crash: वीस एकर केळीवर फिरविला रोटावेट .शेतातील पाण्याचा निचरा होण्याची व्यवस्था नाही. यामुळे पावसाचे पाणी शेतात साचून राहते. यासाठी सरकारकडे एक ड्रेन कालवा बांधण्याची मागणी केली होती. सध्याच्या पुरामुळे केळीचे पीक कुजले आहे. यामुळे तातडीने पीक काढणी करावी लागत असल्याचे शेतकऱ्यांनी सांगितले..शेतात सगळीकडे पाणी असल्याने शेतकरी शेतात जाऊ शकत नाहीत. त्यासाठी येथील शेतकरी संघटनेने केळी पीक काढणीसाठी होड्यांची व्यवस्था केली आहे. संघटनेच्या सदस्यांनी म्हटले आहे की, सदायनेरी कालव्यावरील बेकायदेशीर शटरमधून पुराचे पाणी शिरले. ते कायमचे बंद करण्याची गरज आहे. त्यासाठी ड्रेन कॅनलद्वारे पुराचे पाणी शेतीतून बाहेर काढायला हवे. जेणेकरुन शेतकऱ्यांचे नुकसान होणार नाही..महसूल विभागाच्या माहितीनुसार, या भागात १६० हेक्टरपेक्षा जास्त क्षेत्रावर केळी लागवड केली जाते. तर भात आणि पपईचे कमी प्रमाणात पीक घेतले जाते. पण सध्या पुरामुळे केळी पिकाचे नुकसान झाल्याचे दिसून आले आहे. शेतकऱ्यांना भरपाई देण्यासाठी पीक नुकसानीचे मूल्यांकन केले जाणार असल्याचे महसूल अधिकाऱ्यांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
