Wardha News: सात महिन्यांचे भाडे थकल्याने घर मालकाने चक्क तालुका कृषी अधिकारी कार्यालयाला कुलूप ठोकल्याची खळबळजनक घटना समुद्रपूर येथे घडली. दरम्यान या संदर्भाने जिल्हा अधीक्षक कृषी अधिकारी अरविंद उपरीकर यांच्याशी संपर्क साधला असता शासनाकडून निधी मिळताच थकीत रक्कम दिली जाईल, असे त्यांनी सांगितले. .राज्यातील अनेक तालुका कृषी अधिकारी व मंडळ कृषी अधिकारी कार्यालय ही भाड्याच्या इमारतीमध्ये आहेत. समुद्रपूर तालुका कृषी अधिकारी कार्यालयाचा देखील यामध्ये समावेश आहे. गेल्या अनेक वर्षांपासून या कार्यालयाचा कारभार सुधीर पंजाबराव खडसे यांच्या भाडेतत्त्वावरील इमारतीमधून सुरू आहे..Agriculture Officers: कृषी अधिकाऱ्यांना मिळणार १३२७५ लॅपटॉप.दर महिन्याला सुमारे १६ हजार रुपये भाड्यापोटी सुधीर खडसे यांना दिले जातात. मात्र गेल्या सात महिन्यांपासून भाड्याची रक्कम त्यांना मिळाली नाही. ही थकीत रक्कम सुमारे एक लाख वीस हजार रुपयांच्या घरात आहे..Agriculture Officer Transfer Issue: बदलीनंतरही रुजू न झालेल्या अधिकाऱ्यांवर कारवाई नाही .या संदर्भात त्यांनी वारंवार संबंधित अधिकाऱ्यांकडे पाठपुरावा केला. अनेकदा या संदर्भाने निवेदन देण्यात आली. आजारी असल्याने पैशाची गरज असल्याचा भावनिक मुद्दा या निवेदनाच्या माध्यमातून मांडण्यात आला. या निवेदनाची कृषी विभागाच्या स्तरावर दखल घेण्यात आली नाही असा आरोप आहे..आता सुद्धा त्यांनी निवेदनाच्या माध्यमातून थकीत एक लाख वीस हजारांची मागणी केली. या निवेदनाला कृषी विभागाकडून केराची टोपली दाखवण्यात आली. त्यामुळे त्रस्त झालेल्या श्री. खडसे यांनी थकीत भाडेवसुलीसाठी तालुका कृषी अधिकारी कार्यालयाला कुलूप ठोकले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.