Beed News: मातीचा पोत खराब झाल्याने व बदलत्या हवामानामुळे शेतीसमोरील आव्हाने वाढली आहेत. योग्य सूक्ष्म व्यवस्थापन आणि आधुनिक तंत्रज्ञानाचा अवलंब करून जमिनीची काळजी घेतली, तर जमीन आपल्या पिकाची काळजी घेईल, असे प्रतिपादन वसंतराव नाईक मराठवाडा कृषी विद्यापीठाच्या मृदविज्ञान विभागाचे तज्ज्ञ डॉ. हरिहर कौसडीकर यांनी केले..‘सकाळ-अॅग्रोवन’, वसुंधरा महाविद्यालय आणि घटेश्वर अॅग्रो प्रोड्यूसर कंपनी, घाटनांदूर यांच्या संयुक्त विद्यमाने बुधवारी (ता. 14) वसुंधरा महाविद्यालयात जमिनीचे आरोग्य आणि पीक व्यवस्थापन या विषयावर आयोजित चर्चासत्रात वसंतराव नाईक मराठवाडा कृषी विद्यापीठाच्या मृदविज्ञान विभागाचे तज्ज्ञ डॉ. हरिहर कौसडीकर बोलत होते. चर्चासत्राच्या अध्यक्षस्थानी घटेश्वर अॅग्रो प्रोड्यूसर कंपनीचे संचालक गोविंद देशमुख होते. कार्यक्रमास अंबाजोगाई कृषी उत्पन्न बाजार समितीचे सभापती राजेश्वर चव्हाण, बाबासाहेब देशमुख, प्राचार्य प्रा. अर्जुन मोरे, शंकरराव चव्हाण, अजित गिरी, ए. एन. पुरी, डी. डी. मुंडे यांची उपस्थिती होती..Soil Health: मातीला जिवंत ठेवण्यासाठी काम करावे लागेल.डॉ. कौसडीकर म्हणाले की, आगामी काळात मातीची सुपीकता कायम राखणे हे मोठे आव्हान ठरणार आहे. मातीचा दर्जा चांगला राखण्यासाठी शेतकऱ्यांना काही वर्षे सातत्याने प्रयत्न करावे लागतील. मातीच्या पोषणासाठी सेंद्रिय खत, नैसर्गिक खत, जैविक खत, हिरवळीचे खत तसेच निंबोळी पेंड यांचा वापर फायदेशीर ठरेल. मातीचा दर्जा वाढल्यास उत्पादित मालाचाही दर्जा चांगला राहील..Soil Health: जमिनीच्या आरोग्याकडे गांभीर्याने लक्ष देणे गरजेचे.अवेळी येणारा पाऊस, वाढता उन्हाळा आणि जमिनीचा खालावणारा पोत यामुळे पिकांचे उत्पादन घटत आहे. बदलत्या हवामानाचा ऊस उत्पादनावर होणारा परिणाम, जमिनीचे आरोग्य टिकवण्यासाठी सेंद्रिय खतांचा वापर, ऊस लागवडीची योग्य पद्धत, पाणी देण्याच्या तंत्रज्ञानासह खत व्यवस्थापन या विषयांवर त्यांनी शेतकऱ्यांशी संवाद साधला. .यावेळी अंबाजोगाई तालुका कृषी अधिकारी विजय पवार यांनी महाविस्तार एआय अॅपच्या वापराबाबत माहिती दिली. ‘अॅग्रोवन’चे जिल्हा वितरण प्रतिनिधी विजय पवार यांनी स्वागत केले. सकाळचे बातमीदार संजय रानभरे यांनी प्रास्ताविक केले. सूत्रसंचालन प्रा. मकरंद जोगदंड यांनी केले, तर गोविंद देशमुख यांनी आभार मानले. कार्यक्रमास सुभाष चव्हाण, राजाभाऊ सोनपीर, कुमार सोनपीर, गोपाळ सारडा, गोविंद जाधव, विशाल जाधव, राजाभाऊ होळंबे, प्रभू महाराज पुरी, लहूदास गीते आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
