![Milk](http://media.assettype.com/agrowon%2F2024-01%2F6de0ba06-63ef-46ce-9b8d-f1837e570d72%2FRoshan__16_.jpg?w=480&auto=format%2Ccompress&fit=max)
Kolhapur News : जिल्ह्यातील दूध उत्पादक शेतकऱ्यांनी गाय दुधासाठी प्रतिलिटर ५ रुपये अनुदान या योजनेचा लाभ घ्यावा.
यासाठी त्यांनी त्यांच्याकडील दुधाळ जनावरांची नोंदणी, अद्ययावतीकरण भारत पशुधन पोर्टलवर करण्यासाठी नजीकच्या पशुवैद्यकीय दवाखान्याशी संपर्क साधावा, असे आवाहन जिल्हा पशुसंवर्धन उपआयुक्त डॉ. एम. एम. शिंदे यांनी केले आहे.
राज्यातील सहकारी दूध संघ व खासगी दूध प्रकल्पांनी आयुक्त, दुग्ध व्यवसाय विकास यांच्याकडे अर्ज करणे बंधनकारक राहील.
दूध उत्पादक शेतकऱ्यांचे बँक खाते, त्यांच्या आधार कार्डशी व पशुधनाच्या आधार कार्डशी लिंक असणे आवश्यक आहे. योजनेत सहभागी होणाऱ्या शेतकऱ्यांकडील दुधाळ जनावरांची नोंदणी भारत पशुधन पोर्टलवर असणे बंधनकारक राहील.
अनुदान परराज्यांतून संकलित होणाऱ्या दुधास लागू राहणार नाही. अनुदान योजना केवळ राज्यातील दूध उत्पादक शेतकऱ्यांना लागू राहील, असे डॉ. शिंदे यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.