Kolhapur News : स्वाभिमानी शेतकरी संघटनेच्या वतीने राजेंद्र गड्यान्नावर यांच्या नेतृत्वाखाली गडहिंग्लज प्रांत कार्यालयासमोर सोयाबीन खरेदी केंद्र सुरू करावे, या मागणीसाठी घंटानाद आंदोलन बुधवारी (ता. १०) सुरू करण्यात आले आहे..गडहिंग्लज तालुक्यात दोन महिन्यांपूर्वी मागणी करूनही खरेदी केंद्र सुरू न झाल्याने स्वाभिमानी शेतकरी संघटना आक्रमक झाली आहे. राज्य सरकारकडे सोयाबीन खरेदी करण्याचा प्रस्ताव दाखल करूनही मान्यता देण्यात आली नसल्याने संतप्त शेतकऱ्यांनी प्रांत कार्यालयावर सोयाबीन पोती विक्री करण्यास आणले आहेत..Soybean Procurement Center: सोयाबीन खरेदी केंद्रांवर वाहनांच्या लांबच लांब रांगा.राज्य सरकारकडे बारदान खरेदी करण्यास पैसे नसल्याने व सोयाबीन खरेदी केल्यानंतर हमीभावाने शेतकऱ्यांना पैसे देण्यास राज्य सरकारकडे पैसे नसल्याने खरेदी केंद्र सुरू करण्यास टाळाटाळ करत असल्याची टीका ‘स्वाभिमानी’चे राज्य सचिव श्री. गड्यान्नावर यांनी केली..Soybean Procurement : सोयाबीन खरेदीचे निकष शिथिल करा; आमदार श्रीजया चव्हाण यांची विधानसभेत मागणी.गडहिंग्लज तालुक्यात जवळपास १४ हजार हेक्टर सोयाबीन क्षेत्र आहे. सध्या सोयाबीनचा हमीभाव ५३२८ रुपये असून, खुल्या बाजारात ३८०० ते ४००० रुपयाने व्यापारी खरेदी करीत आहेत..गडहिंग्लज तालुक्यात २ लाख क्विंटल सोयाबीनचे उत्पादन आहे. पालकमंत्री प्रकाश आबिटकर यांनी खरेदी केंद्रे १५ नोव्हेंबरपासून सुरू करण्याचे आदेश दिले होते, मात्र अजूनही ते सुरू करण्यात आलेले नाहीत. यामुळे हे आंदोलन तीव्र करण्याचा इशारा ‘स्वाभिमानी’ने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
