Dharashiv News: धाराशिव जिल्हा परिषद व पंचायत समितीच्या निवडणुकीसाठी उमेदवारी अर्ज दाखल करण्यास काही दिवसच शिल्लक राहिले असताना जिल्ह्यात अद्यापही कोणतीही युती किंवा आघाडी जाहीर झालेली नाही. त्यामुळे युती-आघाडी होणार, की सर्वच पक्ष स्वबळावर निवडणूक लढविणार, याबाबत सर्वच पक्षांतील कार्यकर्त्यांमध्ये उत्सुकता व संभ्रम निर्माण झाला आहे..जिल्हा परिषदेच्या ५५ गटांसह आठ पंचायत समित्यांच्या ११० गणांसाठी ही निवडणूक होत असून, उमेदवारी अर्ज दाखल करण्याची अंतिम मुदत २१ जानेवारी आहे. राज्यपातळीवर महायुती व महाविकास आघाडी अस्तित्वात असल्या, तरी जिल्ह्यात मात्र याबाबत कोणतीही ठोस हालचाल दिसून येत नाही. त्यामुळे इच्छुक उमेदवार संभ्रमावस्थेत असून तयारी करूनही पुढील निर्णयाची वाट पाहत आहेत..Local Body Elections: गावगाड्याच्या मिनी मंत्रालयाची रणधुमाळी.जिल्हा परिषदेची मागील निवडणूक २०१७ मध्ये झाली होती. त्यानंतर अनेक वर्षांनी ही निवडणूक होत असल्याने काही महिन्यांपासून इच्छुकांनी तयारी सुरू केली आहे. अर्ज भरण्यास सुरवात झाली असली, तरी युती किंवा आघाडीबाबत निश्चित चर्चा नसल्याने राजकीय चित्र अद्याप अस्पष्ट आहे. गेल्या महिन्यात झालेल्या नगरपालिका निवडणुकीत काही ठिकाणी महाविकास आघाडीतील मित्रपक्ष स्वबळावर उतरल्याने मतविभागणीचा फटका बसला होता. .Local Body Elections: सांगलीत किरकोळ अपवाद वगळता मतदान शांततेत.तोच अनुभव लक्षात घेता जिल्हा परिषद व पंचायत समिती निवडणुकीतही स्वबळावर लढल्यास महाविकास आघाडीचे नुकसान होण्याची शक्यता वर्तविली जात आहे.जिल्ह्यात महायुती व महाविकास आघाडीचे प्रत्येकी दोन आमदार आहेत. त्यामुळे प्रत्येक भागात संबंधित आमदार व पक्षाचे वर्चस्व आहे. शिवसेनेचे आमदार प्रा. तानाजी सावंत यांनी नुकतेच घेतलेल्या विजयी संकल्प मेळाव्यात मित्रपक्षाच्या एका नेत्यावर टीका केल्याने शिवसेना-भाजप युतीबाबतही संभ्रम वाढला आहे. अशीच परिस्थिती महाविकास आघाडीतही दिसून येत आहे..सर्वच पक्षांकडून बैठकांवर जोरदरम्यान, प्रत्येक तालुक्यात स्थानिक समीकरणांनुसार सोयीस्कर युती किंवा आघाडी होण्याची शक्यता कार्यकर्त्यांकडून व्यक्त केली जात आहे. यापूर्वीही प्रबळ नेत्यांचे वर्चस्व रोखण्यासाठी अशा स्थानिक आघाड्या झाल्याचा अनुभव आहे. युती-आघाडी जाहीर झाली नसली, तरी सर्वच पक्षांचे नेते गावोगावी बैठका घेऊन पक्षाने दिलेल्या उमेदवाराच्या प्रचारासाठी सज्ज राहण्याचे आवाहन कार्यकर्त्यांना करीत आहेत. त्यामुळे आगामी काही दिवसांत जिल्ह्यातील राजकीय हालचालींना आणखी वेग येण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
