Nagpur News : ‘‘सर्जिकल (वैद्यकीय क्षेत्रासाठीचा) हेतूसाठी कापूस वाणाचा पर्याय नागपूर येथील केंद्रीय कापूस संशोधन संस्थेने उपलब्ध करून दिला आहे. व्यावसायिक स्तरावर त्याला चालना मिळून त्या योगे कापूस उत्पादकांना त्याचा फायदा व्हावा, हा त्यामागील हेतू आहे. या वाणाचे वैशिष्ट्य म्हणजे याची पाणीशोषण क्षमता अधिक आहे,’’ अशी माहिती संस्थेचे संचालक डॉ. वाय. जी. प्रसाद यांनी दिली.
डॉ. प्रसाद म्हणाले, ‘‘आमच्या संस्थेने वैद्यकीय कारणांसाठी (सर्जिकल) कापसाचे सुधारित वाण विकसित केले आहे. त्यात बीटी तंत्रज्ञानाचाही वापर केला आहे. अशा कापसाचे व्यावसायिक महत्त्व असल्याने त्याला चांगला दर मिळतो.
वेचणीअंती त्यावर प्रक्रिया केल्या जातात. त्यानंतर तो बाजारात उपलब्ध होतो. या कापसाची अनेक वैशिष्ट्ये आहेत. या वाणाचा धागा आखूड असून, पाणी शोषण क्षमता अन्य वाणांच्या तुलनेत २५ टक्‍के अधिक आहे.
वैद्यकीय कारणांसाठीच्या कापूस वाणात हे वैशिष्ट्य प्रकर्षाने असावे लागते. त्यामुळे या वाणाच्या संशोधनात यावर विशेष लक्ष देण्यात आले आहे. शेतकरी किंवा कंपन्यांची मागणी असल्यास त्यांना या वाणाचे बियाणे काही प्रमाणात उपलब्ध करून देणे शक्‍य होईल.’’
वाणाची वैशिष्ट्ये
- धाग्यांची गुणवत्ता ‘मायक्रोनेअर’ या युनिटमध्ये ५.७ ते ६ पेक्षा अधिक
- कापड तयार करण्याकामी उपयोगी पडणाऱ्या कापूस वाणात हेच मायक्रोनेअर ३.५ ते ४.५ इतके राहते
- या वाणाचा कलर ग्रेड (आरडी) ७४-७५. म्हणजे हा वाण अधिक पांढरा दिसतो
- धागा आखूड असून पाणी शोषण क्षमता अन्य वाणांच्या तुलनेत २५ टक्‍के अधिक
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.