Nashik News: विकास प्रक्रियेमध्ये पर्यावरणाला केंद्रस्थानी ठेवून काम करणे आवश्यक आहे. यामध्ये पाणी, शेती, रोजगार, पशुधन आणि पर्यावरण यांचा विचार व्हावा. त्यानुसार शेतकऱ्यांनी नियोजन करायला हवे. शेतीलगत पशुधन व्यवसाय देऊन शेतकऱ्यांनी योग्य नियोजन करावे, असे आवाहन सेंटर फॉर पीपल्स कलेक्टिव्ह संस्थेचे संचालक सजल कुलकर्णी यांनी केले..‘युवामित्र’ संस्थेचे संस्थापक कै. सुनील पोटे यांच्या स्मृतिप्रीत्यर्थ रविवारी (ता. १४) लोणारवाडी (ता. सिन्नर) येथील मुख्य कार्यालयात ‘सुनीलभाऊ स्मृती पुरस्कार २०२५’ वितरण कार्यक्रमाचे आयोजन करण्यात आले..Sustainable Farming: शाश्वत शेतीसाठी जैवविविधतेचे संवर्धन करा.यात उल्लेखनीय कामगिरी करणारे संस्थेचे कार्यकर्ते, स्वयंसेवक आणि लाभार्थी यांचा सन्मान करण्यात आला. या वेळी संस्थेचे कार्यकर्ते अंकुश रवी सूर्यवंशी यांना वर्षभरातील उत्कृष्ट कामगिरीसाठी ‘बेस्ट एम्प्लॉयी अर्जुन पुरस्कार’ प्रदान करण्यात आला..युवामित्र संस्थेचे विश्वस्त, सल्लागार समिती सदस्य, प्रकल्प कार्यक्षेत्र व विविध भागातील शेतकरी व महिला, शेतकरी उत्पादक कंपनी व पाणी वापर गटांचे पदाधिकारी यांची उपस्थिती होती. ‘युवामित्र’च्या कार्यकारी संचालिका मनीषा पोटे यांनी संस्थेच्या ३० वर्षांच्या प्रवासाचा आढावा घेतला..Sustainable Farming: शाश्वत शेती दिनानिमित्त शेतकऱ्यांचा सत्कार.या प्रसंगी विश्वस्त संपत काळे यांनी सुनील यांच्या स्मृतींना उजाळा दिला. यावेळी २०२४-२५ या वार्षिक अहवालाचे अनावरण मान्यवरांच्या हस्ते करण्यात आले. यांनतर पुरस्कारांचे वितरण करण्यात आले. पुरस्काराचे स्वरूप शाल, स्मृतीचिन्ह, पुरस्कार रक्कम २५००० चा धनादेश आणि रोपटे असे होते. .भामा गोरडे (गोसासी, ता. खेड, जि. पुणे), छाया जगताप (मेंढी, ता. सिन्नर, जि. नाशिक), विकास पाडवी (सेल्टापाणी, ता. अक्कलकुवा, जि. नंदुरबार), अनाजी लेंडे (बाभूळवंडी, ता. अकोले, जि. अहिल्यानगर), सागर शेलार (कळवली, ता. पोलादपूर, जि. रायगड), संगीता गिऱ्हे (वरखडवाडी, देवठाण, ता. अकोले, जि. अहिल्यानगर) यांचा पुरस्काराने सन्मान करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
