Pune News: ऊस दर कायद्यात सुधारणा करण्यासाठी राज्य शासनाने स्थापन केलेल्या अभ्यास समितीत आता सहकारी व खासगी कारखान्यांच्या प्रतिनिधींचा समावेश करण्यात आला आहे. त्यामुळे साखर उद्योगाकडून आलेल्या नव्या सूचनांचा समावेश अभ्यास अहवालात केला जाणार आहे. .समितीचा विस्तार करण्याची मागणी साखर उद्योगातून केली जात होती. त्यानुसार, साखर आयुक्त डॉ. संजय कोलते यांनी काढलेल्या सुधारित आदेशानुसार, अभ्यास समितीत महाराष्ट्र राज्य सहकारी साखर कारखाने संघाचे व्यवस्थापकीय संचालक संजय खताळ तसेच वेस्ट इंडियन शुगर मिल्स् असोसिएशनचे (विस्मा) कार्यकारी संचालक अजित चौगुले या दोघांचा नव्याने समावेश करण्यात आला आहे..Sugarcane Farming: उसातील तुरा येण्यामागील कारणे, परिणाम अन् उपाय.यामुळे आता समितीमधील सदस्यांची संख्या १३ झाली आहे. साखर आयुक्त डॉ. कोलते या समितीचे अध्यक्ष तर आयुक्तालयाच्या प्रशासन विभागाचे सहसंचालक प्रकाश अष्टेकर हे सदस्य सचिव आहेत..अभ्यास समितीत साखर संचालक यशवंत गिरी (अर्थ) व डॉ. केदारी जाधव (प्रशासन), अर्थ सहसंचालक सचिन रावल, लेखापरीक्षण सहनिबंधक बी. एस. बडाख, साखर लेखापरीक्षक पी. ए. मोहोळकर यांच्याकडून सदस्य म्हणून सूचना दिल्या जाणार आहेत. याशिवाय ऊस दर नियंत्रण मंडळाचे सदस्य सुहास पाटील,.Sugarcane Transport: धोकादायक ऊस वाहतूक केल्यास होणार कारवाई .कल्लाप्पाण्णा आवाडे जवाहर शेतकरी साखर कारखान्याचे कार्यकारी संचालक मनोहर जोशी, अॅड. आनंद आकुत, सनदी लेखापाल शैलेश जयस्वाल यांनाही सदस्य म्हणून समितीत स्थान देण्यात आले आहे. महाराष्ट्र (साखर कारखान्यांना पुरविण्यात आलेल्या) ऊस दराचे विनियमन अधिनियम २०१३ व नियम २०१६ अशा दोन्ही बाबींमध्ये कालसुसंगत सुधारणा सुचविण्याचे या समितीच्या विचाराधीन आहे..सुधारणा सूचविण्याचे काम किचकटअभ्यास समितीच्या एका सदस्याने सांगितले की, सध्याच्या कायद्यामध्ये सुधारणा करण्याबाबत समितीच्या दोन बैठका झालेल्या आहेत. सुधारणा नेमक्या सूचविण्याचे काम किचकट आहे. कारण साखर उद्योगाच्या हिताच्या तरतुदी कराव्या लागणार असल्या तरी सुधारित कायदा कारखान्यांच्या बाजूने पूर्णतः झुकू नये किंवा तो शेतकऱ्यांच्या हिताच्या विरोधातदेखील तयार होऊ नये, याची काळजी समितीला घ्यावी लागणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
