Sugarcane Cultivation : बेणे प्रक्रिया करूनच उसाची लागवड करावी

Latur News : ‘‘उत्पादन वाढीसाठी बेणे प्रक्रिया करूनच ऊस लागवड करावी,’’ असा सल्ला वसंतराव नाईक मराठवाडा कृषी विद्यापीठाचे विस्तार कृषी विद्यावेत्ता डॉ. अरुण गोटे यांनी दिला.

ॲग्रोवन आणि शेतकरी सेवा केंद्र चाकूर यांच्या वतीने चाकूर तालुक्यातील सांडोळ येथे ऊस व्यवस्थापन याविषयी चर्चासत्राचे आयोजन करण्यात आले होते. या चर्चासत्रात प्रमुख मार्गदर्शक म्हणून डॉ. गुट्टे बोलत होते.

चर्चासत्राला प्रगतिशील शेतकरी गणपत मुंडे, नागनाथ कवठे, शेतकरी कृषी सेवा केंद्राचे महेश मर्डे, उपसरपंच नेताजी कवठे उपस्थित होते. डॉ. गुट्टे म्हणाले, शेतकऱ्यांनी ऊस लागवड करताना निरोगी बेणे निवडावे. वेणे प्रक्रिया करूनच लागवड करावी. उसाच्या अधिक उत्पादनासाठी फुटव्यांची संख्या एकरी ४० हजार असावी.

उसाला माती लावणे आवश्यक आहे. खते शिफारसी प्रमाणे द्यावीत. तन नाशकाचा वापर लागवडीनंतर चार आठवड्याने करावा. योग्य व्यवस्थापन आणि उसाचे चांगले उत्पादन मिळेल. दुष्काळी परिस्थितीत उसाचे पाचट ठेवावे. पाचटाचा सेंद्रिय कर्ब वाढीसाठी चांगला फायदा होतो.

दोन पाणी पाळ्यामधील अंतर टप्प्याटप्प्याने वाढवावे. कृषी विभागाच्या वतीने व्ही. जे. व्यंजने यांनी शासनाच्या योजनांची माहिती दिली. महेश भरडे यांनी शेतीमध्ये लागणाऱ्या औषधांचा व खतांचा वापर शिफारसी प्रमाणे करण्याचे आवाहन केले.

यावेळी रामेश्वर पताळे विजयकुमार ऊसतुरगे, रामेश्वर मोरगे, माधव चिंचोळे, अनिल भारकाडे, प्रल्हाद चिंचोळे, विठ्ठल जाधव, काशिनाथ कवठाळे, भास्कर मुंडे आदी उपस्थित होते ॲग्रोवनचे वितरण प्रतिनिधी बालाजी थोडेसरे यांनी सूत्रसंचालन करूनआभार मानले.