Swabhimani Shetkari Sanghatana Protest: ऊसदरासाठी सुरु असलेल्या आंदोलनाचा आजचा (दि. ५ नोव्हेंबर) तिसरा दिवस आहे. पुणे- बंगळूर महामार्गावर किणी टोलनाक्यावर (जि. कोल्हापूर) चक्काजाम आंदोलन सुरु आहे. तसेच नागठाणे (जि. सातारा) येथेही स्वाभिमानी शेतकरी संघटनेचे आंदोलन सुरु असल्याने पुणे ते कोल्हापूर दरम्यानची वाहतूक पूर्णपणे ठप्प आहे. यामुळे वाहनांच्या लांबच लांब रांगा लागल्या आहेत..सरकार आमच्या मागण्यांकडे दुर्लक्ष करत असल्याचा आरोप करत स्वाभिमानी शेतकरी संघटनेचे नेते राजू शेट्टी यांनी उद्या ६ नोव्हेंबर रोजी सांगली, कोल्हापूर व सातारा जिल्हा बंदची हाक दिली आहे. आज सायंकाळपर्यंत साखर कारखानदारांनी त्यांची भूमिका स्पष्ट केली नाही तर उद्या बंद पाळून याचा निषेध नोंदवला जाईल. अत्यंत शांततेच्या मार्गाने बंद पाळायचा आहे. सरकार आमच्या मागण्यांकडे दुर्लक्ष करत आहे. तर कारखानदारांना पाठीशा घालत आहे, असा आरोपही शेट्टी यांनी केला. ते आज आंदोलनस्थळावरुन बोलत होते..Sugarcane Crushing Report: साखर कारखान्यांकडून आतापर्यंत २० लाख ३४ हजार टन उसाचे गाळप.गेली तीन दिवस आम्ही उन्हातान्हात बसलो आहोत. बळीराजा एकटाच लढत आहे. सरकारने त्याला वाऱ्यावर सोडले आहे. कारखानदारांनी त्याला लुटायचे ठरवले आहे. टनामागे १,२०० ते १,३०० रुपये पैसे लुटण्याचे कारस्थान चालले आहे. सगळा खर्च वगळता शेतकरी केवळ टनामागे १०० ते १५० रुपये मिळवतो. कारखानदार प्रतिटन ३,८५० रुपयांवर दर द्यायला तयार नाहीत, असे त्यांनी सांगितले. .Sugarcane Price : ऊसदर बैठकीला कारखानदारांची दांडी; शेतकरी संघटनांचा संताप, आंदोलनाचा इशारा!.उद्या सांगली, कोल्हापूर व सातारा जिल्ह्यात कडकडीत बंद ठेवून शेतकऱ्यांच्या आंदोलनास सहकार्य करावे, असे आवाहन त्यांनी केले. राज्य सरकार, साखर कारखानदार व प्रशासनासोबत गेल्या दोन महिन्यांपासून शेतकरी लढत आहे. त्याच्या लढ्याला तुमची साथ हवी आहे, अशी भावनिक साद त्यांनी घातली आहे..प्रतिक्विंटल १,६७५ रुपये कुणाच्या घशात जाणार? कारखान्यांनी टनामागे ३,८५० रूपयाचा प्रस्ताव दिला आहे. कालच कारखान्यांनी प्रतिक्विंटल ५,५२५ रूपये दराने साखर विकली. मग प्रतिक्विंटल १,६७५ रुपये कुणाच्या घशात जाणार? अशी शंका त्यांनी व्यक्त केली. .शेतकऱ्यांची रस्त्यावर दिवाळी दरम्यान, आज वसुबारस असून, त्यानिमित्ताने पुणे- बंगळूर महामार्गावर दिवाळीच्या पहिल्या दिवशी गायीची पुजा करून शेतकऱ्यांनी रस्त्यावर दिवाळी साजरी केली. किणी टोल नाका येथे ऊस उत्पादक शेतकऱ्यांच्या आंदोलनास विद्यार्थी चळवळीत काम करणारे विवेकानंद पाटील यांनीही पाठिंबा दिला. काल त्यांनी आंदोलनस्थळी भेट दिली होती. .कारखान्यांचा टनामागे ३,८०० रुपयांचा प्रस्ताव राजू शेट्टींनी मान्य करावा- हसन मुश्रीफ ऊस दराच्या पार्श्वभूमीवर मंत्री हसन मुश्रीफ यांनी प्रतिक्रिया दिली. शेतकरी संघटनेचे नेते राजू शेट्टी आणि काही साखर कारखाना प्रतिनिधींची याआधी बैठक झाली होती. त्यावेळी कारखान्यांकडून एकरकमी उचल म्हणून प्रतिटन ३,८०० रुपयांचा प्रस्ताव दिला होता. साखर विक्री जर प्रतिक्विंटल ४,५०० रुपये दराने झाली तर तर पुन्हा २०० रुपये वाढवून देऊ, अशीही साखर कारखान्यांनी तयारी दर्शवली आहे. हा तोडगा शेट्टी यांनी मान्य करावा, असे मुश्रीफ यांनी म्हटले आहे. .एफआरपीचा कायदा हा राजू शेट्टी यांच्या विनंतीवरून झालेला आहे. एफआरपी कशी करावी? हे सरकारने ठरवलेले आहे. एफआरपी १४ दिवसांत नाही दिली तर व्याजासह वसुली करण्याची तरतूद कायद्यात आहे. तीही साखर कारखान्यांनी दिली नसल्यास जिल्हाधिकाऱ्यांनी संबंधित साखर कारखान्याची साखर जप्त करून एफआरपी व्याजासह देण्याची तरतूद कायद्यामध्ये आहे. तसेच; प्रॉफिट शेअरिंगच्या कायद्यानुसार ७० टक्के शेतकऱ्यांना आणि ३० टक्के कारखान्यांना, अशी तरतूद केलेली आहे. असे असताना कोल्हापूर जिल्हा सोडून आजूबाजूच्या सर्वच जिल्ह्यांमध्ये साखर हंगाम सुरळीतपणे सुरू आहे. आजअखेर महाराष्ट्रात १०५ लाख टन ऊसाचे गाळप झाले आहे, अशी माहिती त्यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
