Maharashtra Sugarcane Rate Protest 2026: ऊसदर जाहीर न करताच कारखाने सुरु केल्याने स्वाभिमानी शेतकरी संघटना आक्रमक झाली आहे. त्यांच्याकडून कोल्हापूर, सांगली जिल्ह्यात ठिकठिकाणी ऊस वाहतूक रोखली जात आहे. कसबा बावडा येथील राजाराम कारखान्याने उस दर जाहीर न करता हातकंणगले (जि. कोल्हापूर) येथे ऊसतोड दिल्याच्या निषेधार्थ रात्री त्यांचा उसाने भरलेला ट्रक्टर पेटवून दिला..सांगली जिल्ह्यातही ऊसदर आंदोलन पेटले आहे. नांद्रे- खोतवाडी रस्त्यावर सर्वोदय साखर कारखान्याच्या राजारामबापू युनिट, कारंदवाडी यांचा उसाने भरलेला ट्रॅक्टर पेटवून दिल्याची घटना घडली. उसाला पहिली उचल ४ हजार ५०० रुपये द्यावी, अशी मागणी स्वाभिमानी शेतकरी संघटनेने केली. जोपर्यंत ऊस दर जाहीर केला जात नाही आणि ऊसदरावर तोडगा निघत नाही; तोपर्यंत कारखाने सुरु करु देणार नाही, असा इशारा त्यांनी दिला. .Sugarcane Cutting Workers: शिरोळ, हातकणंगले तालुक्यांत ऊसतोड मजूर दाखल; साखर कारखाने हंगामासाठी सज्ज.साखरेचा ट्रक अडवलादरम्यान, सोमवारी संध्याकाळी कुरुंदवाड (दि. शिरोळ) येथे कर्नाटकातील एका साखर कारखान्यातून आलेला साखरेचा ट्रक स्वाभिमानीच्या कार्यकर्त्यांनी रोखला. त्यात सुमारे ६०० हून अधिक साखरेची पोती होती. ऊसदरावर तोडगा निघत नाही तोपर्यंत ऊसतोड करु देणार नाही. तसेच कारखान्यांतून साखर बाहेर जाऊ देणार नाही, अशी भूमिका 'स्वाभिमानी'च्या कार्यकर्त्यांनी घेतली आहे. .Sugarcane Price Announcement: ऊसदर जाहीर करा, अन्यथा राजकीय नेत्यांना गावबंदी; ऊसदर संघर्ष समितीचा इशारा.कर्नाटकातील एका कारखान्यातून साखर घेऊन आलेला ट्रक मिरज रेल्वे स्थानकाच्या दिशेने जात होता. याबाबत माहिती ‘स्वाभिमानी’च्या कार्यकर्त्यांना मिळाल्यानंतर त्यांनी कुरुंदवाड येथे ट्रक अडवून त्याच्या चाव्या काढून घेतल्या. त्यानंतर पोलिस, कारखान्याचे लोक घटनास्थळी दाखल झाले. क्षमतेपेक्षा अधिक वाहतूक केली जात असल्याचा दावा कार्यकर्त्यांनी केला. त्यानंतर पोलिसांनी ट्रक ताब्यात घेऊन पोलिस ठाण्यात नेला. हे आंदोलन 'स्वाभिमानी'चे बंडू पाटील यांच्या नेतृत्त्वाखाली करण्यात आले. .यंदा ऊस उत्पादक शेतकऱ्यांना पहिली उचल ४,५०० रुपये देण्याची मागणी स्वाभिमानी शेतकरी संघटनेने केली आहे. काटामारी व रिकव्हरी चोरी करून शेतकऱ्यांना लुटण्याचे काम सुरु आहे, असा त्यांचा आरोप आहे. यंदा पावसाने हुलकावणी दिल्याने उत्पादनात घट होण्याची शक्यता आहे. यामुळे यंदा केंद्र सरकारने साखरेचा किमान विक्री दर (एमएसपी) प्रति किलो ५० रुपये व सी हेव्ही इथेनॅालचा दर प्रति लिटर ७० रुपये करावा, अशी मागणी त्यांनी लावून धरली आहे. यावर अद्याप निर्णय झालेला नाही. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
