Sangli News: सांगली जिल्ह्यात हार्वेस्टर यंत्राच्या साहाय्याने ऊस तोडणीला सध्या गती आली आहे. रिकाम्या झालेल्या क्षेत्रात गहू हरभरा करण्याकडे शेतकऱ्यांचा वाढता कल आहे. ऊस तोडणी मजुरांच्या जोडीला अलीकडील चार वर्षांत कारखान्यांनी हार्वेस्टर यंत्राचा पर्याय शोधला आहे. ज्या चिबड जमिनी नाहीत ओल कमी आहे, क्षेत्र मोठे आहे अशा ठिकाणी या यंत्राचा पर्याय शेतकऱ्यांनी स्वीकारला आहे. .या यंत्राने लागणीबरोबर खोडवाही गळीतास जात आहे. क्षेत्र झपाट्याने रिकामे होत आहे. रिकाम्या झालेल्या क्षेत्रात गहू हरभरा पिकांची पेरणी टोकणी करण्यासाठी शेतकऱ्यांची धांदल उडाली आहे. पूर्वी पुरणपोळीसह चपातीही सणावारालाच दिसायची. रोजच्या जेवणात ज्वारीची भाकरी आहाराच्या केंद्रस्थानी राहायची, असे जुनी मंडळी सांगतात. मात्र हळूहळू आहारातील अन्नपदार्थांचा प्राधान्यक्रम बदलत गेला. रोजच्या स्वयंपाकात चपातीचे महत्त्व वाढल्याने पेरणी स्थितीवरही त्याचा परिणाम दिसू लागला. त्यामुळे रब्बी हंगामात गव्हाचे पीकघेतले जात होते..Sugarcane Harvesting: उसाचे वजन आणि साखरेचा उतारा टिकवण्यासाठीच्या ४ टिप्स! ऊस तोडणीपूर्वीची काळजी.मात्र, मर्यादित क्षेत्रामुळे काही शेतकऱ्यांना इच्छा असूनही गहू पीक घेता येत न्हवते आता मात्र क्षेत्र रिकामे झाल्याने रब्बी हंगामात खाण्यापुरता गहू पेरणाऱ्या शेतकऱ्यांची संख्या वाढली आहे. आपल्या बेगमीचा गहू ठेवून बाकीचा गहू विकायचा असे सूत्र शेतकऱ्यांचा तसेच ग्राहकांचाही कल दुकानाचा गहू खरेदी करण्यापेक्षा शेतकऱ्यांकडील गहू घेण्याकडे आहे..Sugarcane Harvest: हार्वेस्टरमुळे राज्यात ऊस तोडणीची द्रुतगती.शेतकरी काळ्या कसदार जमिनीत गव्हाचे पीक घेण्यास प्राधान्य देतात. मात्र, हे पीक घेण्यासाठी शाश्वत सिंचनाची सोय आवश्यक असते. विहीर, नदी इथून पाणीपुरवठ्याची सोय असलेले शेतकरी प्रामुख्याने गहू पेरण्यास प्राधान्य देत आहेत. काही ठिकाणी पीक आणि बेवड म्हणून हरभरा पेरणीला प्राधान्य दिले जात आहे. हरभरा पिकाचा बेवड इतर पिकांना चांगला असतो..घरी खाण्यापुरता गहू रब्बीत घेतो. यंदा एक एकरावर गहू किंवा खपली पेरणीचे नियोजन आहे. शेतकऱ्यांकडील गव्हाला मागणीही चांगली असते. परिसरात अनेक शेतकऱ्यांनी थोड्या-अधिक प्रमाणात गहू पेरला आहे.- रवींद्र नाथा थोरात, शेतकरी, नवेखेड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
