Jalgaon News: खानदेशात दिवाळी सणानंतर ऊस तोडणी काहीशी उशिरा सुरू झाली. त्यात नोव्हेंबर महिन्यात पावसाने ऊस तोडणीला फटका बसला. परंतु मागील काही दिवसांपासून ऊस तोडणीला गती आल्याची स्थिती आहे. .ऑक्टोबरमध्ये ऊस तोडणी सुरू होणे अपेक्षित होते. पण त्या वेळेसही पाऊस सुरू होता. शेतकरी अडचणीत आले. अशातच ऊस तोडणी काहीशी उशिरा किंवा नोव्हेंबर अखेरीस सुरू झाली. या काळातही अनेक शेतांत वाफसा नसल्याने ऊस तोडणीदेखील रखडत सुरू होती. यानंतर २० ते २५ दिवस ऊस तोडणी गतीने सुरू होती. त्यात डिसेंबरच्या अखेरीस खानदेशात अनेक भागात पाऊस आला..Sugarcane Harvesting: हार्वेस्टर तोडणीसाठी एकरी ७ हजारांचा फटका .यात ऊस तोडणी रखडली. उसाची लागवड नंदुरबारात सर्वाधिक झाली आहे. तेथे सुमारे १४ हजार हेक्टरवर ऊस पीक आहे. जळगाव जिल्ह्यातही सुमारे १२ हजार हेक्टरवर ऊस पीक आहे. धुळ्यातही शिरपूर, साक्री भागात ऊस पीक आहे. यंदा एकूण गाळप २७ ते २८ लाख टनांवर अपेक्षित आहे. साखर हंगाम वेळेत सुरू होईल, अशी अपेक्षा होती. परंतु साखर हंगामास पावसाने उशीर होत आहे..नोव्हेंबरमध्ये अनेक भागांत ऊस तोडणीवर आला. ऊस तोडणीबाबत अनेक कारखान्यांनी खानदेशात तयारी केली होती. दिवाळीलाच तोडणीचा मुहूर्त व बॉयलर अग्निप्रदीपन कार्यक्रमाचे नियोजनही करण्यात आले होते. परंतु पावसामुळे ऊस तोडणीचे नियोजन कोलमडले. ऊस तोडणी वेळेत न झाल्याने वजन व अन्य बाबींवर परिणाम होत आहे. शेतकऱ्यांनी उत्तम व्यवस्थापन करून ऊस पीक वाढविले आहे..Sugarcane Harvester Shortage: साताऱ्यात साखर कारखान्यांची तोडणी यंत्रणा विस्कळीत.परंतु तोडणी वेळेत झाल्यास उतारा चांगला मिळतो. तसेच क्षेत्रही लवकर रिकामे होते. त्यात पुढे खोडवा किंवा अन्य पीक कार्यवाही करावी लागते. परंतु ही कार्यवाही यंदा रखडत सुरू आहे. खानदेशात मागील हंगामात ऊस तोडणी दिवाळीनंतर सुरू झाली होती. यंदाही ऊस तोडणी दिवाळीनंतर किंवा पुढील महिन्यात सुरू झाली. मागील आठवड्यातही अनेक भागात वाफसा नसल्याने ऊस तोडणी मजूर ऊस तोडणीसाठी तयार झाले नव्हते..चार कारखाने सुरूखानदेशात यंदा चार साखर कारखाने सुरू आहेत. त्यात नंदुरबारात चार व जळगाव जिल्ह्यात एक कारखाने सुरू आहेत. जळगावात चोपडा येथे तर नंदुरबारात नवापूर, नंदुरबार, तळोदा व शहादा येथे साखर कारखाने सुरू आहेत. सर्वाधिक गाळप नंदुरबारातील कारखान्यांनी केले आहे. यापाठोपाठ जळगावात गाळप सुरू आहे. जळगाव जिल्ह्यात चोपडा व मुक्ताईनगर येथील खासगी कारखान्यांनी गाळपासंबंधी कार्यवाहीस गती दिली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
