Jalgaon Sugarcane Cultivation News: जळगाव जिल्ह्यात ऊस उत्पादनात आघाडीवर असलेल्या चोपडा तालुक्यात उसाचे लागवड क्षेत्र घटत आहे. पुढे गाळपासाठी ऊस कमी येणार आहे. पांढरीमाशीचा उपद्रव आणि अन्य समस्या यामुळे लागवडीसंबंधी अडचणी आल्याची माहिती आहे. तालुक्यातील गणपूर, चहार्डी हा भाग उसासाठी प्रसिद्ध आहे. .काही भागांत उसाचे उत्पादन अत्यंत कमी झाल्याने ऊस पीक परवडत नसल्याची स्थिती आहे. परिणामी, शेतकऱ्यांनी नवीन वर्षाच्या लागवडीकडे पाठ फिरवली आहे. परिणामी येत्या गळीत हंगामासाठी तालुक्यात गाळपासाठी येणारा ऊस कमी झाला आहे. चोपडा तालुक्यात गेल्या दोन-तीन दशकापासून उसाची लागवड केली जाते. पण ही लागवड यंदा कमी झाली आहे..Sugarcane Production : उन्हापासून उसाचे उत्पादन वाचवण्यासाठी सेंद्रिय उपाय.कारखान्याकडून प्रोत्साहन हवेचोपड्यात अडावद, मंगरूळ भागात व पश्चिमेकडील हातेड व गलंगी परिसरात उसाची मोठी लागवड होते. मात्र पिकात मागील हंगामात रोगराई आली. पांढऱ्या माशीची समस्या अधिक होती. त्यात सततच्या पावसाने गाळपावर परिणामही होत आहे. वेळेत तोडणी होत नाही. त्यामुळे ऊस उत्पादन कमी होते. पिकात तण वाढते..Sugarcane Care: उन्हाळ्यात उसाची वाढ टिकवण्यासाठी काय करावे?.त्यासंबंधी शेतकरी कार्यवाही करतात. पण उतारा किंवा उत्पादन कमी झाल्याने पीक परवडत नसल्याची स्थिती आहे. ऊस उत्पादकांना एकरी आठ ते बारा टन एवढेच ऊस उत्पादन येत आहे. यात उत्पादन खर्च वाढला आहे. चोपडा कारखाना सुरू आहे. पण आता ऊस लागवड मात्र कमी होत आहे. उसाऐवजी शेतकरी भाजीपाला, केळी आदी पिकांकडे वळले आहेत..दीड हजार हेक्टरवर उसचोपडा तालुक्यात यंदा सुमारे दीड हजार हेक्टरवर उसाचे पीक असल्याचा अंदाज आहे. पुढील वर्षी चोपडा साखर कारखान्यास गाळपासाठी अन्य भागातून ऊस आणावा लागेल. त्यात चोपड्यातून अन्य भागातील कारखानेदेखील उसाची तोडणी करतात. यामुळे स्थानिक कारखान्यास ऊस कमी मिळेल, असे स्पष्ट झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
