Sugar Trade Update: देशातील प्रमुख साखर बाजारपेठांमध्ये साखर दरातील तेजी कायम असून, मर्यादित उपलब्धता आणि वाढती खरेदी यामुळे साखरेच्या दरात क्विंटलमागे ५० ते १०० रुपयांची वाढ झाली आहे. साखरेचे दर सध्या विक्रमी उच्च पातळीवर आहेत. आगामी सणासुदीच्या पार्श्वभूमीवर बाजारातील मागणी आणखी वाढण्याची शक्यता आहे. पुरवठा आणि मागणीतील तफावत कायम राहिल्यास साखरेच्या दरातील तेजी पुढेही टिकण्याची शक्यता व्यापारी व बाजारातील घडामोडींवरून दिसून येत आहे..साखर बाजारात सध्या सर्वांत महत्त्वाचा घटक म्हणजे मर्यादित उपलब्धता. साखर कारखान्यांकडील साठा कमी होत असल्याने बाजारात उपलब्ध साखरेचे प्रमाण घटले आहे. त्याचवेळी खरेदीदारांकडून मागणी कायम असल्याने बाजारातील व्यवहार उच्च दरांवर होत आहेत..Maharashtra Sugar Industry: साखर कारखान्यांनी क्षमतेऐवजी तंत्रज्ञान, कार्यक्षमता वाढवावी; जयंत पाटील यांचा ‘डीएसटीए’च्या अधिवेशनात सल्ला.आगामी सणासुदीच्या काळात घरगुती वापर, मिठाई उद्योग, बेकरी आणि खाद्यप्रक्रिया उद्योगाकडून मागणी वाढण्याची शक्यता असल्याने बाजारातील तेजीला आधार मिळत असल्याचे चित्र आहे. उत्तर भारतातील प्रमुख बाजारपेठ असलेल्या मुजफ्फरनगरमध्ये एम-ग्रेड साखरेचे दर ४,८६० ते ४,९२० रुपये प्रति क्विंटल नोंदविण्यात आले. मर्यादित पुरवठ्याच्या पार्श्वभूमीवर या बाजारपेठेतही दरांनी नवे उच्चांक गाठले आहेत..कोल्हापूरमध्ये एस-ग्रेड साखरेचे दर ४,७२० ते ४,८०० रुपये दरम्यान राहिले. १४ ऑगस्ट २०२६ रोजीच्या एक्स-मिल दरांनुसार महाराष्ट्रात एस- ३० साखरेचा दर ४,७०० ते ४,७५० रुपये, तर एम- ३० चा दर ४,८३० ते ४,८६० रुपये होता. दक्षिण कर्नाटकात एस- ३०चे दर ४,८७५ ते ५,१०० रुपये, तर एम- ३०चे दर ५,००० ते ५,०२५ रुपये होते..Sugar Stock Limit: साखर विक्रेत्यांवर साठा मर्यादा.‘एल निनो’ची चिंतासाखर उद्योगातील सूत्रांनुसार ‘एल निनो’च्या संभाव्य परिणामामुळे आगामी ऊस हंगामावर परिणाम होण्याची शक्यता व्यक्त केली जात आहे. पावसाचे प्रमाण, तापमान आणि पाण्याची उपलब्धता यामध्ये बदल झाल्यास ऊस उत्पादनावर परिणाम होऊ शकतो. त्यामुळे पुढील हंगामात साखरेच्या उत्पादनाबाबत बाजारात अनिश्चितता निर्माण झाली आहे. मात्र एल निनोचा प्रत्यक्ष परिणाम आगामी ऊस उत्पादनावर किती होतो, हे पावसाळ्याची स्थिती आणि पुढील काही महिन्यांतील हवामानावर अवलंबून राहणार आहे. त्यामुळे सध्या बाजारात निर्माण झालेली चिंता ही प्रामुख्याने संभाव्य उत्पादनाबाबतच्या अंदाजांवर आधारित आहे..विक्रीसाठी पुरेसा साठा नसल्याची कारखान्यांची खंतमहाराष्ट्रातील साखर बाजारासाठी सध्याची दरवाढ महत्त्वाची आहे. राज्यातील साखर कारखान्यांकडील उपलब्ध साठा, बाजारातील विक्रीचा वेग आणि आगामी हंगामातील ऊस उपलब्धता या तीन घटकांवर पुढील दराची दिशा मोठ्या प्रमाणात अवलंबून राहणार आहे. साखरेचे दर उच्च पातळीवर राहिल्यास कारखान्यांच्या महसुलाला आधार मिळू शकतो. साखर दरात वाढ होत असली तरी साखर कारखान्यांकडे विक्रीसाठी पुरेसा साठा नसल्याने याचा मर्यादित फायदा कारखान्यांना होणार असल्याचे कारखानदार सुत्रांनी सांगितले. या दरवाढीमुळे शिल्लक साखरेचा प्रश्न सध्या तरी निकालात निघाल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
