Maharashtra FDA: मुंबईसह राज्यभरात अन्न व औषध प्रशासन (एफडीए) विभागाने विद्यार्थ्यांच्या आरोग्याच्या दृष्टीने गेल्या काही दिवसांत कठोर पावले उचलण्यास सुरुवात केली आहे. शाळांच्या ५० मीटर परिसरात जंक फूड, उच्च साखर, मीठ आणि चरबीयुक्त पदार्थांच्या विक्रीवर निर्बंध घालण्याचे आदेश जारी करण्यात आले आहेत. त्याचबरोबर शालेय पोषण आहार पुरवणाऱ्या संस्थांच्या कामकाजाची तपासणी करून निकृष्ट दर्जा, नियमांचे उल्लंघन आणि गुणवत्तेबाबत आढळलेल्या त्रुटींवर कारवाई करण्यात आली आहे. या कारवाईत मुंबईतील अनेक संस्थांचा समावेश असल्याने शाळा व्यवस्थापन समित्याही आता सतर्क झाल्या असून, शाळांमधील पोषण आहारासह विद्यार्थ्यांच्या आरोग्याशी संबंधित विविध बाबींचा आढावा घेण्यास सुरुवात करण्यात आली आहे..‘एफडीए’च्या अलीकडील कारवाईनंतर शाळा व्यवस्थापन समित्यांनी शाळांमध्ये विद्यार्थ्यांना दिल्या जाणाऱ्या पोषण आहाराचा दर्जा, स्वयंपाकगृहाची स्वच्छता, अन्न साठवणुकीची व्यवस्था, पिण्याच्या पाण्याची गुणवत्ता तसेच अन्न तयार करणाऱ्या कर्मचाऱ्यांच्या स्वच्छतेच्या नियमांचे पालन होत आहे का, याची तपासणी सुरू केली आहे..Water Conservation: जलसंधारणात हवा प्रत्यक्ष कृतीवर भर.शिक्षण विभागाच्या मार्गदर्शक सूचनांनुसार प्रत्येक शाळा व्यवस्थापन समितीने विद्यार्थ्यांच्या आरोग्याशी संबंधित विषयांना प्राधान्य देणे आवश्यक आहे. त्यामुळे अनेक शाळांनी पोषण आहाराच्या गुणवत्तेच्या स्वतंत्र नोंदी ठेवणे सुरू केले आहे..Village Development: शहर रचना नव्हे, गाव उभारण्याची धडपड.शाळांमध्ये नोडल अधिकारीअन्न व औषध प्रशासन विभागाच्या आदेशानंतर मुंबई आणि परिसरातील शाळांमध्ये अन्न सुरक्षेसंदर्भात नोटीस बोर्ड, तसेच अन्न सुरक्षा पर्यवेक्षक तसेच आरोग्य व निरोगीपणा दूत आदींसोबत यासाठीची सर्व देखरेख करण्यासाठी शाळांनी नोडल अधिकारी नियुक्त करण्याची कार्यवाही सुरू केली आहे. काही शाळांमध्ये यासाठी जबाबदारीही निश्चित करण्यात आल्याचे प्रशासनाकडून सांगण्यात आले..कारवाईनंतर जागृतीमुंबईत पोषण आहार पुरवठा करणाऱ्या संस्थेवर कारवाई झाल्यानंतर शाळांमध्ये सुरक्षित पिण्याचे पाणी, वर्षातून किमान चार जनजागृती सत्रे व आदर्श आरोग्यदायी कॅन्टीन विकसित करणे. पालकांनी मुलांच्या आहाराकडे लक्ष दिले जात असल्याचे प्रशासनाकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
