Sindhudurg News : अरबी समुद्रात निर्माण झालेल्या ‘असनी’ या चक्रीवादळामुळे समुद्रात वादळस्थिती कायम आहे. कोकण किनारपट्टीला ताशी ३५ ते ४० किमी वेगाने वारे वाहत आहे. त्यामुळे मासेमारीला ब्रेक लागला आहे. दरम्यान, जिल्ह्याच्या काही भागांत पावसाच्या जोरदार सरी, तर काही भागात हलक्या सरी सुरू आहेत.
अरबी समुद्रात निर्माण झालेल्या चक्रीवादळाचा परिणाम कोकण किनारपट्टीवर जाणवत आहे. समुद्रात वादळसदृश स्थिती निर्माण झालेली आहे. वादळामुळे मासेमारीला ब्रेक लागला आहे. मच्छीमारांनी नौका देवगड बंदराला आश्रयाला आल्या आहेत.
कोकण किनारपट्टीला सध्या ताशी ३५ ते ४० किमी वेगाने वारे वाहत आहेत. १ ऑगस्टपर्यंत हीच स्थिती कायम राहण्याची शक्यता हवामान विभागाने वर्तविली आहे. मात्र ही स्थिती समुद्रकिनारीच राहणार आहे.
दरम्यान, जिल्ह्यात आज सर्वत्र पावसाच्या सरी कोसळत आहेत. काही भागात जोरदार सरी तर काही भागांत हलक्या सरी सुरू आहे. कोकण किनारपट्टीला देखील हलक्या ते मध्यम स्वरूपाच्या सरी पडत आहेत. दरम्यान, सिंधुदुर्गात २ सप्टेंबरपासून पावसाचा जोर वाढण्याचा अंदाज असल्याची शक्यता हवामान विभागाने वर्तविली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.