Amravati News : सोयाबीनचे उत्पन्न एकरी दोन ते तीन पोते होत असल्याने मळणीचा खर्चही निघणे कठीण झाले आहे. दसरा-दिवाळीचा सण जवळ आला असून, खरिपातील हुकुमी पैसे देणाऱ्या सोयाबीनच्या पिकातून शेतकऱ्यांच्या हाती काहीच येत नसल्याने ते आर्थिक अडचणीत आले आहेत.
जिल्ह्यात मागील आठ ते दहा वर्षांपासून खरीप ज्वारीची जागा सोयाबीन पिकाने घेतली आहे. जिल्ह्यात सर्वाधिक पेरणी सोयाबीनची केली जाते. भातकुली तालुक्यात देखील मोठ्या प्रमाणात सोयाबीनची लागवड करण्यात आली.
('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)
सोयाबीनपासून मिळणारे उत्पन्न दसरा, दिवाळी तसेच रब्बी हंगामासाठी भांडवलाच्या दृष्टीने उपयुक्त ठरते. परंतु यंदा आधी पावसाचा खंड आणि त्यानंतर हजारो हेक्टर सोयाबीनवर बुरशीजन्य रोगांचा प्रादुर्भाव झाल्याने या हंगामात एकरी दोन ते तीन क्विंटल सोयाबीनचा उतारा येत आहे.
परिणामी मशागत, बी-बियाणे, कीटकनाशके, मजूर, काढणी व मळणीचा खर्च पाहता शेतकऱ्यांच्या हाती कमी उत्पन्न पडत आहे. त्यामुळे सोयाबीनपासून नफा तर सोडाच, उलट तोटाच पदरात पडत असल्याचे दिसून येत आहे.
कमी उत्पादन निघाल्याने शेतकऱ्यांना आर्थिक फटका बसत आहे. मजुरांकडून सोयाबीन कापनीस तीन हजार व मळणी प्रति पोते ३०० रुपये मशीन यंत्र मालकाकडून घेतले जात आहेत. सोयाबीनला साडेचार ते चार हजार रुपये प्रतिक्विंटल दर असल्याने शेतकऱ्यांच्या हातात काहीच शिल्लक राहत नाही.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.