Market Bulletin:सोयाबीनमध्ये नरमाई देशातील बाजारात चालू आठवड्यात सोयाबीनच्या भावात काहीशी नरमाई पाहायला मिळाली. बाजारातील सोयाबीनची आवक कमीच आहे. परंतु हमीभावाने खरेदी केलेल्या सोयाबीनची विक्री आणि भाव वाढल्याने सोयापेंड निर्यातीवर होणारा परिणाम यामुळे सोयाबीनच्या भावात नरमाई पाहायला मिळत आहे. आज सोयाबीन बाजारात ६ हजार ५०० ते ६ हजार ८०० रुपयांच्या दरम्यान विकले गेले. प्रक्रिया प्लांट्सनीही सोयाबीनच्या भावात कपात केली असून ७ हजार रुपयांच्या दरम्यान खरेदी केली जात आहे. सोयाबीन बाजारातील परिस्थिती पाहता पुढील काही दिवस सोयाबीनच्या भावात चढ उतार दिसू शकतात, असा अंदाज सोयाबीन बाजारातील अभ्यासकांनी व्यक्त केला आहे. .कापूस आज स्थिरकापसाचा भाव आजही स्थिरावला होता. मागील काही दिवसांमध्ये कापसाच्या भावात काहीसे चढ उतार आले होते. पण कालपासून भाव काहीसे स्थिरावले आहेत. आज कापूस बाजारात ८ हजार ४०० ते ८ हजार ७०० रुपयांच्या दरम्यान विकला गेला आहे. आंतरराष्ट्रीय बाजारा कापसाचा भाव मागील काही दिवसांपासून एका पातळीच्या दरम्यान दिसत आहे. आंतरराष्ट्रीय बाजारात भाव स्थिरावल्याने आयातीवर परिणाम होण्याची शक्यता आहे. त्यामुळे पुढील काही दिवस कापसाच्या भावात पुढील काळात काहीसे चढ उतार सोडले तर भावपातळी काहीशी स्थिरावण्याची शक्यता आहे, असा अंदाज कापूस बाजारातील अभ्यासकांनी व्यक्त केला आहे. .Agrowon Podcast: हरभरा भावात सुधारणा; सोयाबीन टिकून, कापसाला उठाव, कारले स्थिरावले तर तूर दबावातच.हरभरा आवक घटलीदेशातील बाजारात बाजारात हरभरा भावात मागील काही दिवसांपासून सुधारणा दिसून आली आहे. बाजारातील हरभरा आवकही कमी झाली आहे. युध्दामुळे आयातीवरही परिणाम होत आहे. याचा आधार हरभऱ्याच्या भावाला मिळत आहे. सध्या बाजारात हरभरा प्रतिक्विंटल सरासरी ५ हजार ३०० ते ५ हजार ८०० रुपयांच्या दरम्यान विकला जात आहे. पुढील काळात बाजारतील हरभरा आवक आणखी कमी होण्याची शक्यता आहे. याचा आधारही हरभरा भावाला मिळेल. यामुळे दर टिकून राहण्यास मदत होईल, असा अंदाज हरभरा बाजारातील अभ्यासकांनी व्यक्त केला आहे. .Agrowon Podcast: सोयाबीन स्थिरावले; कापूस आवक कमीच, कांदा आज टिकून, टोमॅटो भावात सुधारणा तर तुरीची आवक कमीच.कांद्यात काहीशी सुधारणाकांद्याच्या भावात दोन दिवसांममध्ये काहीशी सुधारणा दिसून आली. कांद्याची आवक अनेक बाजारांमध्ये कमी झाल्याचे दिसत आहे. तसेच कांदा खरेदीची प्रक्रिया सुरु झाल्यामुळे भावाला आधार दिसत आहे. कांद्याचा सरासरी भाव ११०० ते १४०० रुपयांच्या दरम्यान पोचला आहे. तरीही बाजारातील बहुतांशी कांद्याची विक्री उत्पादन खर्चापेक्षा कमी भावातच होत आहे. यापुढील काळात बाजारातील कांदा आवक आणखी कमी होण्याची शक्यता आहे. तसेच नाफेडची खरेदी बाजारात सुरु झाल्यानंतर याचाही आधार दराला मिळू शकतो, असा अंदाज कांदा बाजारातील अभ्यासकांनी व्यक्त केला आहे. .आल्याचे भाव टिकून आल्याची बाजारातील आवक मागील काही दिवसांपासून काहीशी स्थिरावली आहे. लग्नसराईमुळे आल्याला चांगला उठाव होता. याचाही आधार दराला मिळाला. आल्याची बाजारातील आवक पुढील काही दिवस स्थिर राहण्याची शक्यता आहे. यामुळे बाजारात आले सरासरी ५ हजार ते ६ हजार रुपयांच्या दरम्यान विकले जात आहे. आल्याला पुढील काळातही मागणी राहण्याची शक्यता आहे. तर आल्याच्या आवकेवर परिणाम होऊ शकतो, असा अंदाज आले बाजारातील जाणकारांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
