Pune News: सोयाबीनच्या हमीभाव खरेदीसाठी मान्यता दिलेल्या राज्यभरातील बहुतांश केंद्रांवर बारदानाच उपलब्ध नाही. त्यामुळे सोयाबीन खरेदीचे घोडे अडून राहिले आहे. राज्य सरकारने यंदा बारदाना खरेदीचेही अधिकार स्वतःकडे घेतले आहेत. परंतु कमी दर देऊ केल्यामुळे बारदाना पुरवठ्यासाठी दोन वेळा निविदा काढूनही त्यास प्रतिसाद मिळालेला नाही. .दिवाळीपूर्वी सोयाबीन खरेदीची प्रक्रिया सुरू करावी, अशी शेतकऱ्यांची मागणी होती. परंतु सरकारने ३० ऑक्टोबरपासून नोंदणी आणि १५ नोव्हेंबरपासून प्रत्यक्ष खरेदी असा कार्यक्रम जाहीर केला. तसेच सोयाबीन खरेदी केंद्रांना मंजुरी देण्यात सरकारी पातळीवर घोळ घालण्यात आला. १० नोव्हेंबरपर्यंत केवळ २५० केंद्रांना मान्यता देऊन नोंदणी सुरू करण्यात आली होती..Soybean Procurement: राज्यात सोयाबीन खरेदी १५ नोव्हेंबरपासून सुरु?.राज्यभर १५ नोव्हेंबरपासून सोयाबीनची खरेदी सुरु होणे अपेक्षित असताना फक्त मार्केटिंग फेडरेशन आणि विदर्भ फेडरेशनच्या मोजक्या केंद्रांवरच प्रत्यक्षात खरेदी सुरू झाली आहे. बाजार समित्या आणि शेतकरी उत्पादक कंपन्यांच्या केंद्रांना मुळात मान्यताच उशिरा मिळाली. या केंद्रांवर अजून नोंदणीच सुरू आहे..राज्यातील बहुतांश केंद्रांवर सोयाबीन खरेदीसाठी बारदानाच मिळालेला नाही. हा बारदाना नेमका कधी मिळेल, याबद्दल अनिश्चितता आहे. बारदाना खरेदीचे अधिकार गेल्या वर्षीपर्यंत नाफेड आणि एनसीसीएफने राज्य स्तरीय एजन्सींना (एसएलए) दिले होते. या संस्था नाफेडच्या दरानुसार बारदाना खरेदी करत. .Soybean Procurement: सोयाबीन खरेदीसाठी हेक्टरी मर्यादा जाहीर.पण यंदा राज्य सरकारने बारदाना खरेदीचे अधिकार आपल्याकडे ठेवले. त्यामुळे राज्यस्तरीय एजन्सींना बारदाना खरेदी करता येणार नाही. राज्य सरकारने आतापर्यंत दोन वेळा बारदाना पुरवठ्यासाठी निविदा काढल्या. पण यात दर कमी असल्यामुळे कोणीही पुरवठ्याची निविदा भरली नाही, असे सूत्रांनी सांगितले..सोयाबीनची खरेदीसाठी नोंदणी केलेले शेतकरी प्रत्यक्ष खरेदी कधी सुरू होते, याची वाट बघत आहेत. अनेक शेतकऱ्यांना नाइलाजाने खुल्या बाजारात हमीभावापेक्षा कमी दरात सोयाबीन विकावा लागत आहे..प्रत्यक्ष खरेदी नगण्यराज्यात आतापर्यंत नाफेडच्या ४७७ खरेदी केंद्रांना तर एनसीसीएफच्या ८७ खरेदी केंद्रांना मंजुरी मिळाली आहे. परंतु यापैकी बहुतांशी केंद्रांवर केवळ नोंदणीच सुरु आहे. प्रत्यक्ष खरेदी सुरू असलेली केंद्रे नगण्य आहेत, अशी माहिती सूत्रांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
