Soybean Procurement: शेतकऱ्यांच्या सोयाबीन उत्पादनाची शासन दराने (हमीभावाने) खरेदी करण्यासाठी बीड जिल्ह्यातील २३ ठिकाणी खरेदी केंद्र सुरू करण्यात येत आहेत. या खरेदी प्रक्रियेत कुठल्याही प्रकारच्या अनियमितता वा गैरप्रकारांना आळा घालण्यासाठी जिल्हा प्रशासनाने विशेष दक्षता पथकांची नियुक्ती केली असून खरेदी प्रक्रियेवर काटेकोर नजर ठेवली जाणार आहे..आर्थिक गरजेपोटी किंवा विविध कारणांमुळे काही शेतकऱ्यांनी आपले सोयाबीन खुल्या बाजारात विकले असले, तरी शासनाच्या वतीने उर्वरित शेतकऱ्यांसाठी हमीभावाने खरेदी केंद्र सुरू होत आहेत. .Soybean Procurement: सोयाबीनची खरेदी १५ नोव्हेंबरपासून.जिल्ह्यात एकूण २३ खरेदी केंद्र निश्चित करण्यात आली आहेत. या केंद्रांवर खरेदीदरम्यान कोणत्याही प्रकारच्या गैरप्रकारांना आळा बसावा यासाठी दक्षता पथकांची नियुक्ती करण्यात आली आहे..Soybean Farmers: सोयाबीन उत्पादकांसाठी भावांतर योजना राबवा ....अशी असणार समितीजिल्हा स्तरावरच्या दक्षता पथकात अपर जिल्हाधिकारी, जिल्हा उपनिबंधक सचिव म्हणून काम पाहतील. जिल्हा अधीक्षक कृषी अधिकारी आणि पोलिस अधीक्षक यांचे प्रतिनिधी सदस्य म्हणून काम करतील. प्रत्येक तालुक्यात स्वतंत्र दक्षता पथक स्थापन करण्यात आले असून, तहसीलदार हे अध्यक्ष, सहायक निबंधक सचिव, तालुका कृषी अधिकारी आणि स्थानिक पोलिस अधिकाऱ्यांचे प्रतिनिधी सदस्य म्हणून कार्यरत असतील. या केंद्रांवर १५ नोव्हेंबरपासून प्रत्यक्ष खरेदी सुरू होणार आहे. शेतकऱ्यांनी लवकरात लवकर ऑनलाइन नोंदणी करून आवश्यक कागदपत्रांसह तयारीत रहावे, असे आवाहन प्रशासनाने केले आहे.....या ठिकाणी खरेदी केंद्रेबीड, चौसाळा, मांजरसुंबा, पिंपळनेर, अंबाजोगाई, बर्दापूर, घाटनांदूर, सेलू आंबा, कडा, शिराळ, धारूर, गेवराई, आडस, चिंचोली माळी, केज, नांदूरघाट, परळी, आनंदवाडी, तळेगाव, पाटोदा, पारनेर, शिरूर कासार आणि वडवणी अशा एकूण २३ ठिकाणी सोयाबीन खरेदी केंद्र निश्चित करण्यात आली आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
