Dharashiv News: नैसर्गिक संकटांशी दोन हात करून हातात उरणाऱ्या सोयाबीनला विक्रीसाठी बाजारात घेऊन जावे, तर दर किमान चार हजार २०० ते चार हजार ४०० रुपयांवर आलेले आहेत. कमी दर आणि नुकसानीमुळे कमी उत्पादन अशा स्थितीत सोयाबीन काढणी आणि मळणीचा सुद्धा खर्च निघणार नाही, अशी स्थिती आहे. .सोयाबीन म्हणजे जिल्ह्याच्या दृष्टीने अत्यंत महत्त्वाचे पीक. याच पिकाभोवती प्रामुख्याने शेतकऱ्यांसह जिल्ह्याचे अर्थकारण फिरते. नैसर्गिक आपत्ती, येलो मोझॅकचा प्रादुर्भाव आदी कारणांमुळे या पिकाचे गणित बिघडले तर त्याचा परिणाम केवळ शेतकऱ्यांच्या कुटुंबावरच नाही तर जिल्ह्यातील लहान-मोठे व्यवसाय, सणासुदीची खरेदी आदींवर होतो. .Soybean Crop Loss : चार एकर सोयाबीनवर फिरविला रोटावेटर.मागील चार दिवसांपासून पाऊस कायम आहे. त्यातही मागील दोन दिवसांत त्याचा जोर वाढलेला आहे. काही ठिकाणी काढणी देखील सुरू झाली आहे. ऐन हंगामात पावसाचा जोर वाढल्याने पिकात पाणी साचले आहे..पाऊस सुरू होण्यापूर्वी सोयाबीन काढणीसाठी मजूर एकरी ३ हजार रुपये घेत होते. पाऊस पडताच आताएकरी ४ हजार रुपये मागितले जात आहेत. त्यामुळे काढण्याची कामे खोळंबली असून शेतकऱ्यांची मोठी कोंडी झाली आहे..Soybean Crop Loss: हिंगोलीत शेतकऱ्याने उभ्या सोयाबीनवर रोटाव्हेटर फिरवला; पिकांवर कीड व पावसाचा दुहेरी फटका.पावसामुळे काढणीला आलेल्या सोयाबीनचे अतोनात नुकसान झाले आहे. शेंगा परिपक्व झाल्याने त्या पाण्यात भिजून नुकसान झाले आहे. उरली-सुरली पिकेही हाती लागण्याची शाश्वती राहिलेली नाही. .मागील वर्षीच्या सोयाबीनला ४ हजार ४०० रुपये प्रतिक्विंटल दर आहे. तर यंदाच्या नवीन सोयाबीनला किमान ४ हजार ते कमाल ४ हजार २०० रुपये दर अहे, अशी माहिती धाराशिव बाजार समितीचे सचिव सूर्यकांत माने यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
