Agriculture Market: अमरावती जिल्ह्यात सध्या सोयाबीनच्या दरात वाढ होत असली तरी त्याचा थेट फायदा साठवणूकदार व व्यापाऱ्यांनाच होत असल्याचे चित्र आहे. आर्थिक निकडीतून हंगामाच्या सुरुवातीला कमी दरात माल विक्री केल्यामुळे बहुसंख्य अल्पभूधारक शेतकरी या दरवाढीपासून वंचित राहिले आहेत..कृषी उत्पन्न बाजार समितीत सोयाबीनने हमीभावाचा टप्पा ओलांडला असून, सध्या प्रति क्विंटल ५,७०० रुपयांपर्यंत दर मिळत आहेत. काही ठिकाणी व्यवहार ५,००० ते ५,५०० रुपये दरम्यान होत असल्याची माहिती आहे. केंद्र शासनाने यंदा सोयाबीनसाठी ५,३२८ रुपये प्रति क्विंटल हमीभाव जाहीर केला होता. .Soytbean Rate: सोयाबीनचा ६ हजारांचा टप्पा पार.मात्र हंगामाच्या प्रारंभी बाजारात दर ४,१०० रुपयांपर्यंत घसरले होते. दरकपातीच्या भीतीने अनेक शेतकऱ्यांनी सुरुवातीला कमी भावातच माल विक्री केली. ‘नाफेड’ची खरेदी उशिरा सुरू झाल्याने शेतकऱ्यांना अपेक्षित आधार मिळाला नाही. परिणामी, सध्या दरवाढ झाली असली तरी ज्यांनी माल साठवून ठेवला किंवा व्यापाऱ्यांनी कमी दरात खरेदी करून साठवणूक केली, त्यांनाच या तेजीचा मोठा फायदा होत आहे. .Soybean Price: लातूरमध्ये सोयाबीन ५१०० रुपये.यंदा अतिवृष्टीमुळे सोयाबीन उत्पादनावर परिणाम झाला. शेतात पाणी साचल्याने उत्पादन घटले आणि बाजारातील आवक कमी झाली. पुरवठा कमी व मागणीत वाढ या अर्थशास्त्रीय घटकांमुळे सध्या दरवाढीस बळ मिळत आहे. .त्याचबरोबर पशुखाद्यासाठी वापरल्या जाणाऱ्या सोयापेंडच्या वाढलेल्या मागणीमुळेही बाजारात तेजी आल्याचे सांगितले जाते. दरम्यान, सोयाबीननंतर कापसाच्या दरातही सुधारणा दिसून येत असून कापसाने ८,५०० रुपये प्रति क्विंटलचा टप्पा पार केला आहे. सध्या सरासरी दर ८,२०० ते ८,४५० रुपये दरम्यान आहेत..बाजारातील आवक मर्यादित व मागणी कायम राहणे यामुळे कापसाचे दरही स्थिर राहण्याची शक्यता वर्तवली जात आहे. सध्या सोयाबीनचे दर वाढले असले तरी शेतकऱ्यांकडे साठवणुकीतील शेतीमाल शिल्लक नसल्याने या तेजीचा प्रत्यक्ष लाभ कोणाला होणार, असा प्रश्न उपस्थित होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
