Parbhani News: बारदाना संपल्यामुळे परभणी व हिंगोली जिल्ह्यांतील मार्केटिंग फेडरेशनच्या (राज्य सहकारी पणन महासंघ) अंतर्गत केंद्रांवरील हमीभाव सोयाबीनची खरेदी सोमवार (ता. १५)पासून ठप्प आहे. .या दोन जिल्ह्यांसाठी कृषी पणन मंडळाकडे ५ लाख बारदान्याची मागणी करण्यात आली परंतु पुरवठा झालेला नव्हता. अपुऱ्या बारदाना पुरवठ्यामुळे सोयाबीन खरेदीत अडथळे येत आहेत. नोंदणी केलेल्या शेतकऱ्यांची गैरसोय होत आहे..Soybean Procurement: गंगाखेड केंद्रावर साडेतीन हजार क्विंटल सोयाबीन खरेदी.परभणी जिल्ह्यात राज्य सहकारी पणन महासंघ व केंद्रीय नोडल एजन्सी नाफेड (राष्ट्रीय कृषी सहकारी पणन महासंघ) यांच्यातर्फे परभणी, जिंतूर, मानवत, पाथरी, सोनपेठ, पूर्णा या ६ तालुक्यांत ९ केंद्रांवर शनिवार (ता. १३) पर्यंत १० हजार ८७० शेतकऱ्यांनी ऑनलाइन नोंदणी केली. त्यापैकी १ हजार ११३ शेतकऱ्यांच्या १९ हजार ५४३ क्विंटल सोयाबीनची खरेदी करण्यात आली..हिंगोली जिल्ह्यात राज्य सहकारी पणन महासंघ व एनसीसीएफच्या (राष्ट्रीय सहकारी ग्राहक महासंघ) यांच्यातर्फे हिंगोली, वसमत, औंढा नागनाथ, सेनगाव या ४ तालुक्यांत ७ खरेदी केंद्रांवर १२ हजार ६५ शेतकऱ्यांनी ऑनलाइन नोंदणी केली. त्यापैकी ३ हजार १८४ शेतकऱ्यांचे ५८ हजार ५ क्विंटल सोयाबीन खरेदी करण्यात आले..Soybean Procurement: साडेसात हजार क्विंटल सोयाबीनची खरेदी.विदर्भ को-ऑपरेटिव्ह मार्केटिंग फेडरेशन (व्हीसीएमएफ) परभणी जिल्ह्यातील गंगाखेड येथील केंद्रांवर सोमवार (ता. १५)पर्यंत ४ हजार क्विंटल सोयाबीनची खरेदी झाली. पूर्वीचा ८ हजार बारदाना संपला आहे. आखणीन २० हजार बारदाना अकोला येथून मागविण्यात आला आहे. संबर (ता. परभणी), गौर (ता. पूर्णा) येथे नवीन खरेदी केंद्र सुरू होत असून, तेथे देखील बारदाना लागणार आहे, असे ‘व्हीसीएमएफ’च्या सूत्रांनी सांगितले..बारकोड (क्यू आरकोड) व्यवस्थित नाहीतकृषी पणन मंडळाकडून पुरवठा करण्यात आलेला २ लाख बारदाना संपला आहे. राज्य कृषी पणन मंडळाकडे परभणी व हिंगोली जिल्ह्यांसाठी प्रत्येकी २ लाख ५० हजार मिळून एकूण ५ लाख बारदान्याची मागणी करण्यात आली आहे..यापूर्वी ‘नाफेड’कडून बारदान्यावर लावण्यासाठी पुरवठा करण्यात आलेले बारकोड (क्यू आरकोड) व्यवस्थित नाहीत. त्यामुळे लॉट एन्ट्री करणे शक्य होत नाही. खराब बारकोड आणि कमी बारदाना पुरवठा यामुळे सोयाबीन खरेदी प्रक्रियेत खोडा निर्माण झाला आहे, असे पणन महसंघाच्या सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
