Dharashiv News: दोन दिवसांपासून पावसाची उघडीप मिळाल्याने नुकसानग्रस्त सोयाबीन पीक काढण्यासाठी शेतकऱ्यांची धावपळ सुरू झाली आहे. सोयाबीन काढण्यासाठी मजुरीचे दर दीडपटीने वाढले आहेत. एक एकर सोयाबीन काढण्यासाठी पाच ते सहा हजार ५०० रुपये मजुरी द्यावी लागत आहे. .एकरात मिळणाऱ्या उत्पादनातून मजुरीचे पैसे तरी निघतील का, असा प्रश्न असून सोयाबीन पीक आतबट्ट्याचे ठरू लागल्याची शेतकऱ्यांची भावना आहे. स्थानिक पातळीवर मजुरांचा तुटवडा असल्याने मराठवाड्याच्या इतर भागांतून हंगामी स्वरूपात मजूर कुटुंबे कबिल्यासह जिल्ह्याच्या विविध भागांत दाखल झाली आहेत..Crop Loss: कापणीच्या मुहूर्तावर अस्मानी संकट.ठिकठिकाणी झोपड्या तयार करून त्यांनी मुक्काम ठोकलेला आहे. ते एकरावर गुत्ते पद्धतीने सोयाबीन काढणीसाठी घेत आहेत. पावसामुळे सोयाबीन काढणी बंद होती, त्यावेळी एकरभर सोयाबीन काढणीसाठी तीन हजार ५०० रुपये दर ते आकारत होते. मात्र, आता शेतकऱ्यांकडून काढणीची मागणी वाढल्याने हाच दर पाच ते सहा हजार रुपये एकरवर गेला आहे..आधीच अतिवृष्टीने ७० ते ८० टक्के पिकांचे नुकसान, त्यात दर नाहीत. अशा स्थितीत उरलं-सुरलं पीक काढायला स्थानिक मजूर मिळत नाहीत. घरच्या घरी काढावे, तर कमी मनुष्यबळामुळे काढणी उरकत नाही. मजुर लावावेत तर जादा दराची मागणी, अशा कात्रीत शेतकरी अडकले आहेत..Crop Loss Maharashtra : शेतकऱ्यांचे संसार उद्ध्वस्त, पण सरकारला पाझर फुटेना.मुकादमाचे कमिशन, जाण्या-येण्याचेही भाडेरोजंदारीवर महिनाभरापूर्वी एका महिला मजुराला ३५० रुपये प्रत्येकी असा दर होता. त्यानंतर कांदा लागवडीचा हंगाम आल्याने हा दर ४०० रुपये झाला. त्यात आता सोयाबीन काढणीसाठी ही मजुरी ५०० रुपये करण्यात आली आहे..त्यातही अडचण म्हणजे आता एक-दोन मजूर क्वचितच मिळतात. आता टुप्पा पद्धत आलेली आहे. एकदाच १०-१५ मजूर कामाला लावावे लागतात. त्यात मुकादमाचे कमिशन, मजुरांची ने-आण करण्यासाठीचे भाडे वेगळेच. याशिवाय कामाचे तास हा वेगळाच विषय..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
