Akola News : शेतकरी अतिवृष्टी, बुरशी आणि विविध कीड, रोगांमुळे झालेल्या नुकसानीमुळे आधीच संकटात असताना, हमीभावाने सोयाबीन खरेदी तत्काळ सुरू करण्याची मागणी जोर धरू लागली आहे. परंतु या बाबत शासन स्तरावरून कुठल्याही हालचाली दिसत नसल्याने शुक्रवारी (ता. २४) येथील जिल्हा मार्केटिंग फेडरेशन कार्यालयात शेतकऱ्यांनी झोपा काढो आंदोलन केले. .तातडीने सर्व खरेदी केंद्रे सुरू करून प्रत्यक्ष सोयाबीन खरेदीला सुरुवात झाली नाही, तर शासनाच्या उदासीनतेविरोधात तीव्र आंदोलन छेडले जाईल, असा इशाराही दिला. या बाबत शेतकऱ्यांनी दिलेल्या निवेदनात म्हटले, की हमीभावाने सोयाबीनची खरेदी करण्यासाठी तत्काळ सर्व खरेदी केंद्रे सुरू करण्यात यावीत. .Soybean Procurement: दिवाळी उलटून गेल्यानंतरही सोयाबीन खरेदीचा घोळच.अनेक ठिकाणी सोयाबीन विक्रीसाठी खरेदी केंद्रे उशिरा सुरू होत असल्याने शेतकऱ्यांना खासगी व्यापाऱ्यांकडे कमी दराने विक्री करावी लागत आहे. शासनाने घोषित केलेला हमीभाव केवळ कागदावर राहिला असून, प्रत्यक्षात शेतकऱ्यांना तो मिळत नाही, अशी खंत शेतकऱ्यांनी व्यक्त केली. .दरम्यान, या वर्षी आलेल्या भूतो न भविष्यती अतिवृष्टी आणि बुरशीसारख्या नैसर्गिक संकटांमुळे सोयाबीनच्या मोठ्या प्रमाणात डागी माल तयार झाला आहे. या डागी मालाचीही हमीभावाने खरेदी करण्यात यावी. हा माल नाकारल्यास शेतकऱ्यांचे संपूर्ण उत्पादन वाया जाईल. .Soybean MSP Procurement: राज्यात १० लाख टन सोयाबीन खरेदी होणार? राज्याने केंद्राकडे पाठवला प्रस्ताव.त्यामुळे शासनाने तत्काळ शिथिलता दाखवून या मालाची खरेदी करण्याचे निर्देश द्यावेत. कर्जबाजारीपणा, रब्बी हंगामाची तयारी आणि इतर कारणांमुळे खुले बाजारात सोयाबीन विकणाऱ्या शेतकऱ्यांनाही न्याय मिळावा. यासाठी क्विंटलमागे दोन हजार रुपयांचे अनुदान देण्यात यावे, भावांतर योजना तत्काळ लागू करून शेतकऱ्यांना थेट आर्थिक दिलासा द्यावा, अशीही मागणी करण्यात आली. .या आंदोलनात गोपाल अंबादास पोहरे, देवानंद साबळे, योगेश ढोरे, अमोल जाधव, रवी गावंडे, अमोल माळी, गोविंदा मोरखडे, रामेश्वर पोहरे, निखिल ठाकरे, विशाल ठाकरे, विशाल खेळकर, ऋषी चव्हाण, नागेश जवळेकर, सुरेश मेहरे, बाळूभाऊ पांडे, संतोष पाटील अंत्री, नितीन चौकट, प्रशांत गायकवाड, पवन गाडे, विष्णू भाऊराव अरबट यांच्यासह इतर शेतकरी सहभागी झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
