Soybean Farmer Crisis: सोयाबीनचे भाव पडल्याने शेतकऱ्यांचे मोठे नुकसान होत असल्याचा मुद्दा काँग्रेसने उपस्थित केला आहे. यावरुन काँग्रेस प्रवक्ते सचिन सावंत यांनी मुख्यमंत्री देवेंद्र फडणवीस यांच्यावर जोरदार टीका केली आहे. 'फडणवीस साहेब सोयाबीनला प्रतिक्विंटल ६ हजार रुपये भाव कधी मिळणार?' असा सवाल त्यांनी केला आहे. .मोदी सरकारने या वर्षी सोयाबीनला प्रतिक्विंटल ५३२८ रुपये हमीभाव जाहीर केला. २०१३ ला प्रदेशाध्यक्ष असताना फडणवीस यांनी शेतकरी दिंडी काढून सोयाबीनला प्रतिक्विंटल ६ हजार रुपये हमीभाव मागितला होता. दिंडीला १२ वर्षे आणि मोदी सरकारला ११ वर्षे झाली. फडणवीस साहेब ६ हजार रुपये भाव तरी कधी मिळणार? २०४७ साली विकसित महाराष्ट्राचे स्वप्न दाखवताना बळीराजाचा तुमच्या राज्यात आदीयुगाकडे उलटा प्रवास सुरू आहे, ही वस्तुस्थिती आहे. भाजपच्या उक्ती आणि कृतीमधील हा फरक आहे, असे सावंत यांनी एक्सवरील पोस्टमध्ये म्हटले आहे..Soybean Rate: हमीभावाने सोयाबीन खरेदीचे उद्दीष्ट किती मिळणार ?.''आज बाजारात शेतकरी प्रतिक्विंटल ३,५०० रुपये भावात सोयाबीन विकत आहे. अर्थात प्रतिक्विंटलमागे १,८०० ते २ हजार रुपये शेतकऱ्यांचे थेट नुकसान होत आहे. तुमची हमीभाव केंद्रे सुरू झालेली नाहीत. त्यात जाणीवपूर्वक दिरंगाई होत आहे. गंभीर बाब म्हणजे खरेदी केंद्र वाटपात यावेळी अधिकार वाटण्या करून नवा घोळ घालण्यात आला. पूर्वी पणन महासंघाकडे अधिकार होते. आता नवीन वाटेकरी आणला आहे. हा घोळ मिटून केंद्र सुरू होण्यास अधिक विलंब लागणार आहे. मूग, उडीद अतिवृष्टीने जवळपास पूर्ण गेले. सोयाबीनचे उत्पादन घटून कमी भावामुळे हाती काहीच पडत नाही. अतिवृष्टीग्रस्तांना सरकारी मदत दिवाळीपूवी देऊ म्हणून कोरड्या घोषणा केल्या. त्यामुळे शेतकऱ्यांची दिवाळी अंधारात गेली. पूर्वी दिवाळीपूर्वी हमीभाव केंद्राकडून खरेदी सुरू व्हायची. शेतकरी अडचणीत आहे हे पाहून हमीभाव केंद्रे महिनाभर अगोदर सुरू झाली पाहिजे होती. सोयाबीनची बाजारात आवक सुरू होऊन आता महिना होईल तरी सरकार ढम्म बसून आहे. खरीपातील उत्पादन बुडाल्याने भाव वाढले पाहिजेत. पण कमी होत आहेत. शेतकरी उद्ध्वस्त होत असताना सरकार हात वर करत आहे. भाजपच्या दृष्टीने निवडणुका आणि सत्ताच सर्वस्व आहेत. त्यामुळे शेतकऱ्यांना माणूस म्हणून तुम्ही पाहत नाहीत. निदान मतदार म्हणून तरी मदत करा.'' असा टोला सावंत यांनी लगावला आहे. .Soybean Farmer Crisis: सोयाबीनचे उत्पादन कमी, भावही नाही.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
