Parbhani-Hingoli News: परभणी आणि हिंगोली जिल्ह्यात शनिवार (ता. ३०) अखेरपर्यंत हमीभावाने सोयाबीन विक्री केलेल्या ३२ हजार ७६१ पैकी २७ हजार ४२२ शेतकऱ्यांना २९६ कोटी ७० लाख ५ हजार १२८ रुपये चुकारे अदा करण्यात आले. या दोन जिल्ह्यात राज्य सहकारी पणन महासंघ(स्टेट मार्केटिंग फेडरेशन), कृषी पणन मंडळ, विदर्भ सहकारी पणन महासंघ (विदर्भ को ऑपरेटीव्ह मार्केटिंग फेडरेशनः व्हिसीएमएफ) या ३ नोडल एजन्सीजच्या ७५ केंद्रावर ६६ हजार ८६९ शेतकऱ्यांनी नोंदणी केली असून ६ लाख २९ हजार ९६२ क्विंटल सोयाबीनची खरेदी खरेदी करण्यात आली आहे..परभणी जिल्ह्यात हमीभावाने सोयाबीन खरेदीसाठी ४० केंद्र आहेत. त्यात राज्य सहकारी पणन महासंघ व केंद्रीय नोडल एजन्सी नाफेड (राष्ट्रीय कृषी सहकारी पणन महासंघ) यांच्या परभणी, झरी, वरपूड, बोरी, जिंतूर, मानवत, पाथरी, सोनपेठ, पूर्णा या ९ खरेदी केंद्रावर शुक्रवार (ता. १६) पर्यंत ११ हजार ७५६ शेतकऱ्यांनी नोंदणी केली. त्यापैकी ३ हजार ३५८ शेतकऱ्यांकडून ६३ हजार ७२८ क्विंटल सोयाबीनची खरेदी करण्यात आली. .Soybean Market: मध्य प्रदेशातील सोयाबीन उत्पादकांना मिळाला दिलासा.आजवर ३ हजार ४७ शेतकऱ्यांना ६२ हजार ६६ क्विंटल सोयाबीनचे ३३ कोटी ६ लाख ९० हजार ३१२ रुपये चुकारे अदा करण्यात आले. कृषी पणन मंडळ अंतर्गंत जिंतूर, सेलू, मानवत कृषी उत्पन्न बाजार समित्यांची ३ आणि शेतकरी उत्पादक कंपन्यांची २५ मिळून एकूण २८ केंद्रांवर २१ हजार २८९ शेतकऱ्यांनी ऑनलाइन नोंदणी केली असून १२ हजार ८१८ शेतकऱ्यांकडून २ लाख ६० हजार ४५५ क्विंटल सोयाबीनची खरेदी करण्यात आली. .Soybean Market: सोयाबीन बाजारातील सारीपाट.आजवर १२ हजार ६९९ शेतकऱ्यांना १३७ कोटी १६ लाख रुपये चुकारे अदा करण्यात आले. विदर्भ को ऑपरेटीव्ह मार्केटिंग फेडरेशन अंतर्गंत गंगाखेड, संबर (ता. परभणी), गौर (ता. पूर्णा) या ३ केंद्रांवर १ हजार ७७० शेतकऱ्यांनी ऑनलाइन नोंदणी केली. त्यापैकी ४७१ शेतकऱ्यांकडून १० हजार ६३० क्विंटल सोयाबीनची खरेदी करण्यात असून ४३९ शेतकऱ्यांना ४ कोटी ६४ लाख ९४ हजार ७९२ रुपये चुकारे अदा करण्यात आले. .हिंगोली जिल्ह्यात हमीभावाने सोयाबीन खरेदीसाठी ३५ केंद्र आहेत. त्यात राज्य सहकारी पणन महासंघ व एनसीसीएफच्या (राष्ट्रीय सहकारी ग्राहक महासंघ) हिंगोली, कन्हेरगाव, येळेगाव, नरसी नामदेव, पुसेगाव, उमरा, डिग्रस फाटा, तळणी, वारंगा, शिवणी खुर्द, वसमत, जवळा बाजार, सेनगाव, साखरा, भेंडेगाव १६ खरेदी केंद्रांवर शुक्रवार (ता. ३०) पर्यंत १६ हजार ७६३ शेतकऱ्यांनी नोंदणी केली असून ९ हजार ५७ शेतकऱ्यांकडून १ लाख ७२ हजार १४२ क्विंटल सोयाबीन खरेदी करण्यात आले..त्यापैकी ६ हजार ३१४ शेतकऱ्यांना १ लाख २३ हजार ३४२ क्विंटल सोयाबीनचे ६५ कोटी ७१ लाख ६६ हजार १७६ रुपयाचे चुकारे अदा करण्यात आले. कृषी पणन मंडळ अंतर्गंत हिंगोली, कळमनुरी, आखाडा बाळापूर, सेनगाव या ४ कृषी उत्पन्न बाजार समित्या आणि १५ शेतकरी उत्पादक कंपन्यांची मिळून एकूण १९ खरेदी केंद्रांवर १५ हजार २९१ शेतकऱ्यांनी ऑनलाइन नोंदणी केली त्यापैकी ५ हजार ७५८ शेतकऱ्यांच्या १ लाख २३ हजार ७ क्विंटल सोयाबीन खरेदी करण्यात आली असून ४ हजार ९३४ शेतकऱ्यांना ५६ कोटी ११ लाख रुपये चुकारे अदा करण्यात आले..परभणी जिल्हाखरेदी केंद्रे : ४०खरेदी : ३.३४ लाख क्विंटल (अंदाजे)अदा रक्कम : सुमारे १७४ कोटी रुपयेहिंगोली जिल्हाखरेदी केंद्रे : ३५खरेदी : २.९५ लाख क्विंटल (अंदाजे)अदा रक्कम : सुमारे १२१ कोटी रुपये.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
