Agrim Pik Vima : कापूस, सोयाबीनसाठी २६० कोटींचा अग्रिम मंजूर

Nanded Crop Insurance : जिल्ह्यात मागील वर्षी ऑगस्टच्या शेवटच्या आठवड्यात व सप्टेंबरच्या पहिल्या आठवड्यात झालेल्या मुसळधार पावसामुळे खरिपातील पिकांने मोठ्या प्रमाणात नुकसान झाले होते.
Crop Insurance
Crop InsuranceAgrowon
Published on
Updated on

Nanded News : जिल्ह्यातील कापूस, सोयाबीनसाठी विमा भरलेल्या नऊ लाख ५५ हजार ५६२ अर्जदार शेतकऱ्यांना हंगामातील प्रतिकूल परिस्थिती या ट्रीगरतर्गत २५८.८२ कोटी रुपयांचा २५ टक्के अग्रिम विमा परतावा मंजूर झाला आहे. परताव्याची ही रक्कम शेतकऱ्यांच्या खात्यावर अपलोड करण्याचे काम सुरू आहे.

कंपनीच्या मान्यतेनंतर आठवडाभरात हा परतावा शेतकऱ्यांना मिळेल. यानंतर स्थानिक नैसर्गिक आपत्ती घटकातर्गंत विमा मिळणार, असल्याची माहिती कृषी विभागाच्या सूत्रांकडून प्राप्त झाली आहे. जिल्ह्यात मागील वर्षी ऑगस्टच्या शेवटच्या आठवड्यात व सप्टेंबरच्या पहिल्या आठवड्यात झालेल्या मुसळधार पावसामुळे खरिपातील पिकांने मोठ्या प्रमाणात नुकसान झाले होते.

Crop Insurance
Crop Insurance : नांदेडला प्रशासन गप्प, विमा कंपनीचे मौन ; नुकसानग्रस्तांना विमा परतावा कधी?

या नुकसानीबाबत शेतकऱ्यांना भरपाई मिळावी, यासाठी तत्कालीन जिल्हाधिकारी अभिजित राऊत यांच्या अध्यक्ष असलेल्या जिल्हास्तरीय समितीने नांदेड जिल्ह्यातील सर्व तालुक्यांसाठी प्रधानमंत्री पीक विमा योजना २०२४-२५ अंतर्गत हंगामातील प्रतिकूल परिस्थिती अर्थात मिड सेशन डव्हरसिटी अंतर्गत २५ टक्के अग्रिम विमा मिळावा, अशी अधिसूचना लागू होती.

त्यामुळे समितीच्या सर्व्हेक्षण अहवालानुसार नांदेड जिल्ह्यातील सर्व तालुक्यांमधील ९३ मंडळात पिकांच्या उत्पादनामध्ये ५० टक्क्यांपेक्षा जास्त घट अपेक्षित धरून समितीने जिल्ह्यातील कापूस, सोयाबीन या पिकांसाठी हंगामातील प्रतिकूल परिस्थितीची अधिसूचना लागू केली होती.

Crop Insurance
Crop Insurance: पीकविम्याचे १७०२ कोटी शेतकऱ्यांच्या खात्यात आठवडाभरात येणार

यानुसार विमा कंपनीने विमा भरलेल्या नऊ लाख ५५ हजार ५६२ अर्जदार शेतकऱ्यांना २५८.८२ कोटी रुपयांचा विमा परतावा मंजूर केला आहे. परताव्याची ही रक्कम शेतकऱ्यांच्या खात्यावर अपलोड करण्याचे काम सध्या सुरू आहे. आठवडाभरात हा परतावा शेतकऱ्यांना मिळेल. परंतु याबाबतचा तपशीलवार घोषवारा मात्र मिळाला नाही. दरम्यान, यानंतर स्थानिक नैसर्गिक आपत्ती घटकातर्गत नुकसानीबाबत दावे दाखल केलेल्या शेतकऱ्यांना विमा मिळणार असल्याचे कळाले.

अग्रिमचा परतावा वगळून मिळणार भरपाई

सद्यःस्थितीत हंगामातील प्रतिकूल परिस्थिती या घटकांतर्गत २५ टक्के अग्रिम रक्कम पीक विमाधारकांना मिळणार आहे. उर्वरित रक्कम स्थानिक नैसर्गिक आपत्तीअंतर्गत पंचनामे झाल्यानंतर नुकसानीच्या प्रमाणानुसार मिळेल. तसेच पीक कापणी प्रयोगाच्या आकडेवारीनुसार संबंधित मंडळात उत्पादन घटले असेल तर उत्पादन आधारित नुकसान भरपाई घटकानुसार भरपाई मिळेल. स्थानिक नैसर्गिक आपत्ती अंतर्गत मिळणारा परतावा हा हंगामातील प्रतिकूल परिस्थिती अंतर्गत मिळालेल्या रक्कमेतून वजा करून उर्वरित फरक मिळणार आहे. यामुळेच एकाचवेळी दोन्ही ट्रिगरतर्गत परतावा मिळण्याची शक्यता कमीच आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com