Committee Member Selection: भाजपसोबत सत्तेत सहभागी होण्याच्या निर्णयानंतर शिवसेना व राष्ट्रवादी सदस्यांना सत्तेत कोणताही वाटा मिळाला नाही. त्यामुळे बुधवारी (ता. १५) विषय समिती सदस्य निवडीत समाधानकारक वाटा देण्याच्या अटीवर शिवसेना व राष्ट्रवादी सदस्य राजी झाले आहेत. शिवाय दोन्ही पक्षाच्या सदस्यांना सर्व समितीवर समान संधी देणार असल्याचे आश्वासन पालकमंत्री जयकुमार गोरे यांनीही दिल्याचे सांगण्यात आले. त्यामुळे जिल्हा परिषदे महायुतीचे स्थान पक्के झाले आहे..मागील काही दिवसांपासून शिवसेना आणि राष्ट्रवादी काँग्रेसमध्ये असलेल्या नाराजीचा पेच अखेर पालकमंत्री गोरे आणि आमदार सचिन कल्याणशेट्टी यांच्या मध्यस्थीनंतर सुटला असून, दोन्ही पक्षांनी सत्तेसोबत राहण्याचा निर्णय घेतला आहे. विषय समिती सदस्यांची नावे निश्चित करताना आपल्याला विश्वासात घेतले नसल्याचा आरोप करत शिवसेना व राष्ट्रवादी काँग्रेसच्या गटनेत्यांनी विरोधात बसण्याची भूमिका घेतली होती..ZP Chairman Selection: सोलापूर जिल्हा परिषदेच्या सभापतींच्या २७ मार्चला निवडी.मात्र, १२ एप्रिल रोजी भाजप नेत्यांनी चर्चा करण्याचे आश्वासन दिले होते. त्यानुसार झालेल्या ऑनलाइन बैठकीत पालकमंत्र्यांनी दोन्ही पक्षांच्या सदस्यांना अर्थ व बांधकाम समितीसह सर्व समित्यांवर समान आणि समाधानकारक संधी देण्याचे आश्वासन दिले आहे. तसेच, अंतिम यादी दाखवल्याशिवाय निवड प्रक्रिया पूर्ण करणार नसल्याचा शब्द दिल्याने या पक्षांमधील असंतोष शमला आहे..ZP Government Policy: ‘झेडपी’, पंचायत समितीतील ‘स्वीकृत’साठी आठवभरात नियमावली.जिल्हा परिषदेच्या १० समित्यांवर ८३ जणांच्या निवडी करण्यासाठी ही विशेष सर्वसाधारण सभा आहे. यामध्ये स्थायी समिती, अर्थ व बांधकाम समिती, महिला व बालकल्याण समिती, समाजकल्याण समिती, कृषी समितीसह १० समितीवरील सदस्यांच्या निवडी करण्यात येणार आहेत..विरोधी पक्षनेत्यांबाबत उत्सुकताविरोधी पक्षनेत्यांबाबत प्रश्नचिन्ह विषय समिती निवडीचा प्रश्न सुटला असला तरी शेकापचे ३, राष्ट्रवादी काँग्रेस शरद पवार गट ६ व स्थानिक विकास आघाडीचे २ असे एकूण ११ सदस्य आहेत. या ११ सदस्यांची अद्याप भूमिका जाहीर केली नाही. भाजपकडून अद्याप विरोधी पक्षनेत्याबाबत कोणतेही नाव समोर केले नसल्याने हा प्रश्न अनुत्तरितच आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
