El Nino Impact: अल-निनोच्या प्रभावामुळे पाऊस लांबणीवर पडण्याची शक्यता व्यक्त होत असताना जिल्हा प्रशासनाने पाणीबचतीसाठी कठोर पावले उचलली आहेत. जलाशयातील पाणी पिण्यासाठी राखीव ठेवणे, थेट पाणीउपसा रोखणे, स्विमिंग पूल व वाहन धुण्याची केंद्रे बंद ठेवणे आणि शेतकऱ्यांनी पुरेसा पाऊस झाल्याशिवाय पेरणी करू नये, असे निर्देश देण्यात आले आहेत. .तहसीलदार, प्रांताधिकारी, पोलिस विभाग, जलसंपदा विभागाचे अधिकारी व कर्मचारी यांच्या माध्यमातून भरारी पथके तयार करण्यात यावीत. थेट जलाशयातून पाणी उपसा करून शेतीसाठी वापर होत असेल, अशा ठिकाणी कारवाई करून तो उपसा तत्काळ थांबवावा. उजनीच्या पाण्यासाठी शेतीपंपाचे डायरेक्ट कनेक्शन बंद करण्याचे आदेश जिल्हाधिकारी कार्तिकेयन एस. यांनी आज दिले..Water Conservation: भविष्यातील पिढ्यांसाठी जलसंपत्ती जपणे ही सामूहिक जबाबदारी : जिल्हाधिकारी अशीमा मित्तल .अल-निनो व टंचाईच्या अनुषंगाने नियोजन भवनात आज झालेल्या आढावा बैठकीत ते बोलत होते. जिल्हाधिकारी कार्तिकेयन म्हणाले, "अल-निनोच्या प्रभावामुळे येणारा मॉन्सून लांबणीवर जाण्याची शक्यता आहे. येत्या काळातील पाणीटंचाई टाळण्यासाठी सूक्ष्म नियोजन करा. उपलब्ध पाणीसाठा प्राधान्याने केवळ पिण्याच्या पाण्यासाठी वापरण्यात यावा. तसेच पाण्याची गळती, गैरवापर आणि थेट जलाशयातून शेतीसाठी होणारा पाणीउपसा याबाबत तात्काळ कारवाई करावी." अशा सूचनाही त्यांनी दिल्या आहेत..Farming Tips: कोरडवाहू शेतात दीर्घकाळ ओलावा टिकवण्यासाठी विविध पद्धती.जलसंपदा विभागातील मध्यम व लघु प्रकल्पांमध्ये पाण्याची गळती होत असल्यास ती तत्काळ थांबवावी. नगरपालिका, नगरपरिषद, ग्रामपंचायत व महापालिका यांच्या जलवाहिन्यांमधून पाण्याची गळती होत असल्यास ती दुरुस्त करावी..पाणीसाठ्याचा नियमित आढावालघु, मध्यम बंधारे व धरणे या जलप्रकल्पांमधील उपलब्ध पाणीसाठ्याची माहिती सादर करून पाण्याचे नियोजन करावे. त्याचा आढावा पुढील बैठकीत सादर करण्याचे आदेश जिल्हाधिकाऱ्यांनी दिले आहेत. जलप्रकल्पांबाबत सध्या उपलब्ध माहितीनुसार यापैकी ७ मध्यम प्रकल्पांपैकी ६ प्रकल्पांमधील पाणी पिण्यासाठी वापरता येईल, अशी माहिती देण्यात आली..चारा छावण्या आणि टँकर व्यवस्थापनज्या भागात टँकरची मागणी येईल, त्या दिवशी त्या गावात टँकरने पाणीपुरवठा करण्यासाठी आदेश निघणे आवश्यक असल्याचे निर्देश या बैठकीत देण्यात आले आहेत. तसेच पशुसंवर्धन विभागाने चारा छावण्या उभारण्याची वेळ येणार नाही, असे नियोजन करून तो आराखडा पुढील बैठकीत सादर करण्याच्या सूचनाही देण्यात आल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
