Farmer Loss: सोलापूर जिल्ह्यात गुरुवारी (ता.१९) सायंकाळी आणि रात्री उशिरा झालेल्या वादळी वाऱ्यासह मुसळधार पाऊस आणि गारपिटीने सलग दुसऱ्यादिवसी मोठा तडाखा दिला. गुढीपाडव्याच्या ऐन सणादिवशीच निसर्गाच्या या प्रकोपाने द्राक्ष, आंबा, ज्वारी, गहू, हरभरा आणि कांदा पिकांचे अतोनात नुकसान झाले असून, शेतकरी पुन्हा एकदा आर्थिक संकटात सापडला आहे..गुरुवारी दिवसभर कडाक्याचे ऊन होते, पण सायंकाळी पाचनंतर वातावरणात बदल झाला आणि विजेच्या गडगडाटासह पावसाला सुरुवात झाली. रात्री उशिरापर्यंत पाऊस, वादळवाऱ्यासह गारपीठही झाली. यामध्ये उत्तर सोलापूर तालुक्यातील पडसाळी येथील शेतकरी अंकुश सिरसट यांच्या द्राक्षबागेचे मोठे नुकसान झाले आहे..Unseasonal Rain: अवकाळी, गारपिटीचे शेतकऱ्यांवर संकट, पीक नुकसानीचे तातडीने मुल्यांकन करण्याचे केंद्रीय कृषिमंत्र्यांचे निर्देश.रात्री सव्वा अकराच्या सुमारास झालेल्या जोरदार वादळात त्यांची तीन एकर द्राक्षबाग पूर्णपणे जमिनीवर कोसळली. यंदा द्राक्षाला चांगले भाव मिळत असतानाच, डोळ्यांदेखत ५० लाखांचे नुकसान झाल्याने सिरसट कुटुंबीय उघड्यावर आले आहे. केवळ बागच नव्हे, तर त्यांच्या बेदाणा रॅकवर असलेल्या ६० ते ८० लाखांच्या मालाचेही प्रचंड नुकसान झाले आहे..Unseasonal Rain: अवकाळी पाऊस, वादळाचा पश्चिम विदर्भात तडाखा.त्याशिवाय माढा तालुक्यातील विठ्ठलवाडी, उपळाई खुर्द, मोडनिंब परिसरात विजांच्या कडकडाटासह मोठी गारपीट झाली. यामुळे फळबागांसह काढणीला आलेली पिके मातीमोल झाली आहेत. बार्शी तालुक्यातील वैराग आणि पानगाव पट्ट्यातही अवकाळीने धुमाकूळ घातला. वैराग, काळेगाव, पिंपरी साकत या परिसरात उभी पिके भुईसपाट झाली असून सुगीचा हंगाम पूर्णपणे कोलमडला आहे. .याशिवाय उपळाई खुर्द परिसरात आंबा मोहोर गळणे आणि चिकूची फळे गळून पडल्याने शेतकरी चिंतेत आहेत. अचानक आलेल्या पावसामुळे मजूर आणि शेतकऱ्यांची मोठी धांदल उडाली, अनेक ठिकाणी वीजपुरवठाही खंडित झाला होता. प्रशासनाने या नुकसानीचे तातडीने पंचनामे करून बाधित शेतकऱ्यांना मदत जाहीर करावी, अशी मागणी माढा, बार्शी आणि उत्तरच्या शेतकऱ्यांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
